رووداو - سلێمانی
لە گوندی باڵخی ناحیەی گاپیڵۆن، گەنجێکی تەمەن 26 ساڵان بەهۆی گازی سۆپاوە گیانی لەدەستدا و هاوڕێیەکی بەهۆی هەمان رووداوەوە رەوانەی نەخۆشخانە کراوە.
رووداوەکە شەوی رابردوو لەنێو باخێکدا روویداوە. سامان شێخ لەتیف، گوتەبێژی تەندروستیی سلێمانی بە تۆڕی میدیایی رووداوی راگەیاند: "ئەو کەسەی گیانی لەدەستداوە تەمەنی 26 ساڵە و هۆکارەکەی گازی سۆپا بووە. هاوڕێکەشی کە بەرکەوتەی گازە، ئێستا لە نەخۆشخانەی شار لەژێر چاودێریی پزیشکدایە."
قوربانییەکە ناوی (شیروان جەبار)ـە و خێزاندارە و باوکی کوڕێکی تەمەن سێ ساڵانە.
ئاری لەتیف حەمە، گوتەبێژی پۆلیسی سلێمانی لەبارەی رووداوەکەوە بە رووداوی گوت: "پەڕاوی لێکۆڵینەوە کراوەتەوە و چاوەڕێی راپۆرتی پزیشکی دادین بۆ ئەوەی هۆکاری تەواوەتیی رووداوەکە دیاری بکرێت."
