رووداو دیجیتاڵ
میدیای ئیسپانیا هەواڵێکی چاوەڕواننەکراویان لەبارەی داهاتووی جود بێلینگهام بڵاوکردەوە و ئاماژە بەوە دەکەن باوکی ئەو یاریزانە لەگەڵ بەرپرسانی باڵای یانەی ریال مەدرید کۆبووەتەوە بۆ ئەوەی رێگە بۆ رۆیشتنی کوڕەکەی خۆشبکات، بەڵام یانە مەدریدییەکە بە تووندی داواکەی رەتکردووەتەوە.
پێپێ ئەلڤارێز، رۆژنامەڤانی ئیسپانی ئاشکرای کردووە مارک بێلینگهام، باوک و بەڕێوبەرەی کارەکانی ئەستێرە ئینگلیزییەکە، لە کۆتایی وەرزی رابردوو لەگەڵ کارگێڕی یانەی ریال مەدرید کۆبووەتەوە و پێی راگەیاندوون کوڕەکەی دەیەوێت یانەکە جێبهێڵێت. بەپێی زانیارییەکانی ئەو رۆژنامەڤانە، هۆکاری ئەم داواکارییە بۆ هەبوونی کێشە و جیاوازی تێڕوانینی هونەری لەگەڵ هەندێک لە ئەندامانی ستافی راهێنەران دەگەڕێتەوە، ئەمەش وای کردووە یاریزانەکە لەناو پێکهاتەکەدا هەست بە ئارامی نەکات.
وەڵامی ریال مەدرید بۆ باوکی بێلینگهام زۆر بڕیارنەدەرانە بووە و پێیان راگەیاندووە بە هیچ شێوەیەک و لەژێر هیچ گوشارێکدا دەستبەرداری جود نابن. یانەکە ئەو یاریزانە وەک یەکێک لە کۆڵەکە سەرەکییەکانی پڕۆژەی داهاتووی خۆی دەبینێت و نایەوێت بە چەندین دەستەوارەی گەورەش بیفرۆشێت. ئەم هەواڵە لەکاتێکدایە یانەکانی مانچێستەر سیتی، لیڤەرپوول و چێڵسی لە پرێمەرلیگ چاودێری بارودۆخی ئەو ئەستێرەیە دەکەن بۆ ئەوەی بیگەڕێننەوە ئینگلتەرا.
بێلینگهام لە هاوینی 2023 لە یانەی بۆرووسیا دۆرتمۆندەوە پەیوەندی بە ریال مەدرید کرد و لە یەکەم وەرزیدا ئاستێکی سەرنجڕاکێشی پێشکێش کرد، رۆڵێکی سەرەکی هەبوو لە بەدەستهێنانی نازناوەکانی لالیگا و چامپیۆنزلیگ.
