رووداو دیجیتاڵ
ناهید ئەرەن، سەرۆکی یانەی ئامەدسپۆر لەبارەی ئەو پەیامەی یانەکەیان کە تێیدا هاتبوو، "هیوای سەرکەوتن بۆ هەڵبژاردەی تورکیا لە رێگەی گەیشتن بە جامی جیهانی دەخوازین!" رایگەیاند، ئەمە بەرپرسیاریێتییە و لێدوانی لەم شێوەیەیان دەبێت.
رۆژی چوارشەممە، یەکی ئاداری 2026 لە شارۆچکەی پەیاس سەر بە پارێزگای ئامەدی باکووری کوردستان، بە بەشداریی دەستەی هونەری و بەڕێوەبەرانی یانەی ئامەدسپۆر، بەرنامەیەک رێکخرا.
لە بەرنامەکەدا هەڵسەنگاندنی گشتی بۆ وەرزەکە کرا و ئامانجی یانەکە بۆ گەیشتن بە سوپەرلیگ تاوتوێ کرا.
دوای ئەوەی یەکلایی بووەوە کە هەڵبژاردەی تورکیا بەشداریی جامی جیهانی دەکات، ئامەد سپۆر لە هەژماری خۆی لە تۆڕە کۆمەڵایەتییەکان بە زمانەکانی کوردی و تورکی پەیامی پیرۆزبایی بڵاوکردەوە، ئەمەش هەندێک لە لەلایەنگرانی ئامەد سپۆری نیگەران کرد.
ناهید ئەرەن، سەرۆکی یانەکە رایگەیاند، یەکڕیزی و پشتیوانی بۆ ئامەدسپۆر دڵخۆشیان دەکات و ئەوان دەزانن ئامەدسپۆر نوێنەرایەتیی چی دەکات.
ئامەدسپۆر یانەیەکی تۆپی پێی ئامەد ـی باکووری کوردستانە و زۆربەی یاریزانەکانیان کوردن.
هاندەرانی ئامەدسپۆر زۆرجار لە یارییەکانی دەرەوەی ئامەد رووبەڕووی هێرشی رەگەزپەرستانە دەبنەوە و بینینی یارییەکانی یانەکەیان لێ قەدەخە دەکرێت.
