کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

ماری پێلتۆلا، بەربژێری دیموکراتەکان بۆ ئەنجوومەنی پیران، رۆژی 3ـی تشرینی دووەمی 2026 لە کاتی ئاهەنگی شەوی هەڵبژاردنی نیوەخولدا لە شاری ئەنکۆرەیجی ئالاسکا. وێنە: چارلی تریبالیۆ / AFP

ماری پێلتۆلا، بەربژێری دیموکراتەکان بۆ ئەنجوومەنی پیران، رۆژی 3ـی تشرینی دووەمی 2026 لە کاتی ئاهەنگی شەوی هەڵبژاردنی نیوەخولدا لە شاری ئەنکۆرەیجی ئالاسکا. وێنە: چارلی تریبالیۆ / AFP

جیهان

دیموکراتەکان کورسییەکی دیکەی ئەنجوومەنی پیرانیان لە ئالاسکا بردەوە

تەنیا ئەحمەد

تەنیا ئەحمەد

18-11-2026
گوێبگرە
0:00
0:00
قەبارەی دەق
تەنیا ئەحمەد
تەنیا ئەحمەد18-11-2026

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

رووداو دیجیتاڵ

بەگوێرەی ئەنجامی فەرمیی جیاکردنەوەی دەنگەکان، ماری پێلتۆلا، بەربژێری دیموکراتەکان لە ویلایەتی ئالاسکا توانی کورسیی ئەنجوومەنی پیرانی ئەمریکا لە کۆمارییەکان وەربگرێتەوە و شکست بە دان سەڵیڤان، سیناتۆری کۆماری بهێنێت؛ بەمەش ژمارەی کورسییەکانی دیموکراتەکان لەو ئەنجوومەنەدا گەیشتە 56 کورسی بەرامبەر 44 کورسی بۆ کۆمارییەکان.


رۆژی سێشەممە 17-11-2026 [چوارشەممە بەکاتی هەولێر]، دوای دوو هەفتە لە جیاکردنەوەی دەنگەکان بەهۆی دووریی گوند و ناوچە گوندنشینەکانی ویلایەتی ئالاسکا، ئەنجامی کۆتایی دوایین کورسیی هەڵبژاردنی نیوەخولی ئەمریکا راگەیێندرا کە تێیدا پێلتۆلا 50.12٪ـی دەنگەکانی بەدەستهێنا.

ماری پێلتۆلا لە راگەیێندراوێکدا گوتی: "وەک سیناتۆری داهاتووی ویلایەتە یەکگرتووەکانی ئەمریکا، رووبەڕووی هەر کەسێک دەبمەوە بۆ ئەوەی بەرەنگاری سیستمە ساختەکەی واشنتن ببمەوە و ئەنجام بۆ خێزانە کرێکارەکانی ئالاسکا بەدەستبهێنم."

گوتیشی: "وەک کەسێک کە تەواوی ژیانم لە ئالاسکا بووە و ژیانم بۆ خزمەتکردنی ویلایەتەکەمان تەرخان کردووە، هیچ شانازییەک لەوە گەورەتر نییە کە پشتیوانیی خەڵکی ئالاسکام هەبێت لە خەباتماندا دژی چاوچنۆکیی کۆمپانیاکان، کەمکردنەوەی تێچووی ژیان و دانانی ئالاسکا لە پێش هەموو شتێکەوە."

بەپێی ئامارە فەرمییەکان، پێلتۆلا 144 هەزار و 302 دەنگی بەدەستهێناوە، لە کاتێکدا دان سەڵیڤانی کۆماری 131 هەزار و 844 دەنگی هێناوە.

بوونی بەربژێرێکی دیکە بە ناوی (دانیێل جەی سەڵیڤان جونیۆر) کە 4 هەزار و 760 دەنگی بەدەستهێنابوو، پێشتر ناڕەزایەتیی تووندی دۆناڵد ترەمپ، سەرۆکی ئەمریکای لێکەوتبووەوە و دیموکراتەکانی بەوە تۆمەتبار کردبوو کە بەربژێرێکی هاوشێوەیان وەک "تەڵە" بەکارهێناوە بۆ پەرتکردنی دەنگەکانی بەربژێرە کۆمارییەکە. 

ترەمپ داوای کردبوو دەنگەکانی بەربژێرێکی دیکەی کۆماری بە ناوی جێراڵد هایکس (کە 6 هەزار و 105 دەنگی هێنابوو) بخرێنە سەر دەنگەکانی سەڵیڤان، هەرچەندە تەنانەت کۆکردنەوەی هەموو ئەو دەنگانەش بەشی ئەوەی نەدەکرد پێش پێلتۆلا بکەوێتەوە.

بەم سەرکەوتنە مێژووییە، ماری پێلتۆلا لەگەڵ پێگی فلاناگان، سیناتۆری هەڵبژێردراوی مینیسۆتا، دەبنە یەکەمین دوو ژنی رەسەنی ئەمریکی کە لە مێژوودا بۆ ئەنجوومەنی پیرانی ئەمریکا هەڵدەبژێردرێن.

لە کاتێکدا دیموکراتەکان لە هەڵبژاردنی نیوەخولدا زۆرینەی ئەنجوومەنی نوێنەرانیشیان مسۆگەر کردووە، باڵادەستبوونیان بەسەر هەردوو ئەنجوومەنەکەی کۆنگرێسدا دەسەڵاتی ئەوەیان پێدەدات رێگری لە پڕۆژەیاساکانی ئیدارەی ترەمپ بکەن، لێکۆڵینەوەی بەرفراوان لە کارەکانی حکومەت بکەن و رێگری لە پەسندکردنی دامەزراندنە دادوەری و باڵاکانی حکومەت بکەن.

بابەتی پەیوەندیدار

لە واشنتن تاوتوێی پەیوەندیی وزە و ژیریی دەستکرد دەکرێت
جیهان18-11-2026

لە واشنتن تاوتوێی پەیوەندیی وزە و ژیریی دەستکرد دەکرێت

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان
جیهان18-11-2026

وەزیری ئاسایشی ناوخۆی ئەمریکا: لە سەرەتای جەنگەوە ئێران هێرشی ئەلیکترۆنی دەکاتە سەر ژێرخانەکەمان

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"
جیهان18-11-2026

دۆسیەی ئێران لەنێوان سێ زلهێزەکەی جیهان؛ "ترەمپ داوای گوشاری چین لەسەر تاران دەکات"

پێشنیازەکان

ئەمەنەش ببینە