رووداو دیجیتاڵ
ئێوارەی ئەمڕۆ شەممە، بە درۆن هێرش کرایە سەر شارەکانی هەولێر، کۆیە و سلێمانی.
بەپێی زانیارییەکانی تۆڕی میدیایی رووداو، ئێوارەی ئەمڕۆ بە چوار درۆنی بۆمبڕێژکراو هێرش کراوەتە سەر شاری کۆیە و سەرجەم درۆنەکان تەقیونەتەوە، بەڵام زیانی گیانییان نەبووە.
هەر ئێوارەی ئەمڕۆ، درۆنێک لە نزیک پرۆژەیەکی نیشتەجێبوونی ناوەندی شاری سلێمانی کەوتە خوارەوە و زیانی نەبووە.
نزیکەی کاژێر 6:00ی ئێوارەش، دوو درۆن لە ئاسمانی شاری هەولێر لەلایەن سیستمی بەرگریی ئاسمانییەوە تێکشکێنران و هیچ زیانێکیان نەبوو.
لەدوای دەستپێکردنی جەنگ لە 28ـی شووباتدا، لە نێوان ئیسرائیل و ئەمریکا لەگەڵ ئێران، هێرشەکان بۆسەر هەرێمی کوردستان دەستیپێکردووە.
.jpg&w=3840&q=75)