چیای بەنی هەریر لە سنووری ئیدارەی سەربەخۆی سۆران هێرشی کرایەسەر

دەنگەکان لە دەوروبەری کاژێر 10:35ی ئەمشەو بیستران و لەگەڵ بیستنی دەنگەکانیش هاونیشتیمانییان ئاگریان لە سنووری چیای بەنی هەریر بینی.

سەرچاوەیەکی ئاگادار لە سنوورەکە بە رووداوی راگەیاند، لەگەڵ دەنگە بەهێزەکان، بڵێسەی ئاگر لە چیای بەنی هەریر بینرا و تاوەکو ئێستاش زیانەکانی نەزانراون.

بەشێک لە هاونیشتمانییان دیمەنی ساتی هێرشەکەیان وێنەگرتووە و دەڵێن، وا دەردەکەوێ هێرشەکە بە مووشەک کرا بێت.

بەشێک لە هاونیشتمانییان بە رووداویان گوت، لە پێنج خولەکدا دەنگی شەش تەقینەوەیان بیستووە. 

هاوکات سەرچاوەیەک لە ئیدارەی سەربەخۆی سۆران بە رووداوی گوت: "دەنگەکان هێندە بەهێزبوون لەنێو سۆرانەوە بیستراون."

بەگوێرەی بەدواداچوونی رووداو، لە دەستپێکی جەنگی ئەمریکا و ئیسرائیلەوە لەگەڵ ئێران، هەرێمی کوردستان بە زیاتر لە 400 درۆن و مووشەک هێرشی کراوەتەسەر.