رووداو دیجیتاڵ
بەڕێوەبەری راگەیاندنی فڕۆکەخانەی نێودەوڵەتیی کەرکووک رایگەیاند، بەشی سەربازیی فڕۆکەخانەکە دوو جار کراوەتە ئامانج، بەڵام هێرشەکە هیچ زیانێکی بە بەشی مەدەنیی فڕۆکەخانەکە نەگەیاندووە.
هەردی سەمەد، بەڕێوەبەری راگەیاندنی فڕۆکەخانەی کەرکووک بە تۆڕی میدیایی رووداوی راگەیاند، "ئەو شوێنەی کراوەتە ئامانج بەشی سەربازییە کە دوو بۆ سێ کیلۆمەتر لە فڕۆکەخانەی مەدەنییەوە دوورە، بۆیە هیچ زیانێکی بۆ سەر فڕۆکەخانە نەبووە."
سەبارەت بەو هێزانەی لەو شوێنەدا جێگیرن، هەردی سەمەد ئاماژەی بەوە کرد، لەو بەشەی کراوەتە ئامانج "هێزی ئاسمانیی عێراق، سوپای عێراق و حەشدی شەعبی"ی لێیە.
لەبارەی قەبارەی زیانەکان و وردەکاریی هێرشەکە، بەڕێوەبەری راگەیاندنی فڕۆکەخانەی کەرکووک گوتی، "تاوەکو ئێستا نازانین زیانەکان چین، بەڵام شوێنەکە دوو جار کراوەتە ئامانج."
فڕۆکەخانەی نێودەوڵەتیی کەرکووک دەکەوێتە باشووری رۆژئاوای شارەکە و جگە لە گەشتە مەدەنییەکان، وەک بنکەیەکی سەربازیی لەلایەن هێزە ئەمنییەکانی عێراقەوە بەکاردەهێنرێت.
ـ
.jpg&w=3840&q=75)
