سوپای پاسداران: سەرۆکی رێکخراوی بەسیج کوژرا

لە راگەیێندراوەکەی سوپای پاسدارانی کۆماری ئیسلامیی ئێران دا، کە ئەمشەو سێشەممە بڵاویکردەوە، هاتووە: "ئەم سەردارە سەربەرز و گەورەیەی ئیسلام، بەدرێژایی ساڵانی خزمەتی موجاهیدانە لە بەرگریی پیرۆزی 8 ساڵەوە تاوەکو ئەمڕۆ، بەتایبەت لەماوەی ساڵانی سەرۆکایەتیی رێکخراوی بەسیج، رۆڵێکی رێبەرانە و بێ جێگرەوەی هەبووە لە پێشخستنی رێکخراوی جیهادیی بەسیج".

سوپای پاسداران جەخت دەکاتەوە: "ئەم تیرۆرە ناپیاوانەیە نیشاندەری پێگە و رۆڵی بەسیجە لە گۆڕەپانی شەڕی هەمەلایەنە دژی سوپای تیرۆریستی ئەمریکا و رژێمی زایۆنی".

ئەمرۆ سێشەممە، سوپای ئیسرائیل کوژرانی سەرۆکی رێکخراوی بەسیجی ئێرانی راگەیاندبوو.

غولامڕەزا سولەیمانی، لەماوەی 44 ساڵەی پەیوەستبوونی بە ریزەکانی سوپای پاسداران فەرماندەیی لیوای 19ی فەجر، لیوای 41ی ساروڵڵا، لیوای 14ی ئیمام حوسێن و سوپای ساحیبولزەمانی پارێزگای ئیسفەهان بووە. 

لەساڵی 2019ەوە سەرۆکی رێکخراوی بەسیجی ئێران بووە.