رووداو دیجیتاڵ
سەرچاوەیەکی ئەمنی لە پارێزگای ئەنباری عێراق دەڵێ، بارەگایەکی هێزەکانی حەشدی شەعبی لە سنووری نێوان عێراق و سووریا کراوەتە ئامانج و فڕۆکەی جەنگی لە ئاسمانی ناوچەکە دەبیندرێت.
سەرچاوەیەکی ئەمنیی باڵای ئەنبار، ئەمشەو بە رووداوی راگەیاند، "نزیک کاژێر 10:00ی ئەمشەو هەینی، بارەگای سەرایا خوراسانی (لیوای 18)ی سەر بە هێزەکانی حەشدی شەعبی لە سنووری عێراق و سووریا رووبەڕووی هێرشێکی ئاسمانی بووەوە."
سەرچاوەکە گوتیشی، "زیانە گیانی و مادییەکانی هێرشەکە نەزانراون."
رۆژی پێنجشەممە، 12ی ئاداری 2026، دەستەی حەشدی شەعبی بڵاویکردەوە، لە سەرەتای ئەم مانگەوە بارەگاکانیان لە چەندین پارێزگای عێراق رووبەڕووی 32 بۆردوومانی ئاسمانی بوونەتەوە، کە لە ئەنجامدا 27 چەکداریان کوژراون و 50ی دیکەش بریندار بوون.
