رووداو دیجیتاڵ
هێرشکرایە سەر لیوای تفووفی حەشدی شەعبی لە رۆژئاوای پارێزگای ئەنباری رۆژئاوای عێراق.
عەبدوڵڵا جغێفی، راوێژکاری ئەمنیی لیژنەی ئاسایش و بەرگری لە ئەنجوومەنی پارێزگای ئەنبار بە تۆڕی میدیایی رووداوی راگەیاند، کەمێک لەمەبەر فەوجی چواری لیوای 13 (لیوای تفووف)ی حەشدی شەعبی لە قەزای قائیم لە رۆژئاوای پارێزگای ئەنبار بۆردوومان کرا.
لەبارەی زیانەکان، ئەو بەرپرسە گوتی، بۆردوومانەکە تازەیە، هێشتا قەبارەی زیانەکان نازانرێت.
لیوای تفووف لەلایەن قاسم موسڵح سەرۆکایەتی دەکرێت.
بە ڤیدیۆ.. لە ئەنبار هێرشکرایە سەر لیوای تفووفی حەشدی شەعبی pic.twitter.com/Fk8xXdVbRl
— Rudaw (@Rudawkurdish) March 16, 2026
هێرشەکەی سەر لیوای تفووفی حەشدی شەعبی لە کاتێکدایە، کە کاژێر 15:30ـی دوای نیوەڕۆی ئەمڕۆ دووشەممە، 16-03-2026 ژووری ئەمنیی حەشدی شەعبی (سەر بە فەرماندەییی ئۆپەراسیۆنەکانی رۆژئاوای ئەنبار) لە بازگەی "شەهید حەیدەر" لە دەروازەی قەزای قائیم لە پارێزگای ئەنبار بۆردوومان کرا، بەهۆیەوە چوار چەکداری حەشدی شەعبی کوژران و چواری دیکەش بریندار بوون.
