رووداو دیجیتاڵ
نووسینگەی عەلی سیستانی، مەرجەعی باڵای شیعەکان دەڵێت، رۆژی شەممە یەکەم رۆژی جەژنی رەمەزانە.
ئێوارەی ئەمڕۆ پێنجشەممە، نووسینگەی عەلی سیستانی، مەرجەعی باڵای شیعەکان لە نەجەف راگەیێندراوێکی بڵاوکردەوە و تێیدا هاتووە: "رۆژی هەینی تەواوکەری مانگی رەمەزانی پیرۆزە و رۆژی شەممە، 21-3-2026، یەکەم رۆژی مانگی شەوال و جەژنی رەمەزانە بۆ ساڵی 1447ی کۆچی."
هەروەها لە ئێرانیش رۆژی شەممە، 21ی ئادار وەک یەکەم رۆژی جەژنی رەمەزان دیاریکراوە.
لەکاتێکدا لە هەرێمی کوردستان و زۆرینەی وڵاتانی ناوچەکە، رۆژی هەینییان وەک یەکەم رۆژی جەژنی رەمەزان دیاریکردووە.