Hewlêr (Rûdaw) - Serokê Herêma Kurdistanê Nêçîrvan Barzanî Balyozê Brîtanyayê yê Îraqê Irfan Siddiq qebûl kir.
Konsulê Giştî yê Brîtanyayê yê Herêma Kurdistanê Andrew Bizley jî di hevdîtinê de amade bû.
Li gorî daxuyaniya Serokatiya Herêma Kurdistanê di hevdîtinê de, her du aliyan tekezî li ser bipêşxistina têkiliyên Brîtanyayê yên bi Îraq û Herêma Kurdistanê re kir.
Her wiha rewşa giştî ya Îraq û Herêma Kurdistanê, pêwendiyên Hewlêr-Bexdayê, hewlên ji bo pêkanîna kabîneya nû ya Hikûmeta Herêma Kurdistanê û hilbijartinên bê yên Parlamentoya Îraqê hatin gotûbêjkirin.
#VÎDEO - Serokê Herêma Kurdistanê Nêçîrvan Barzanî bi Balyozê Brîtanyayê yê Îraqê Îrfan Sidîq re hevdîtinek kir
— RudawKurdi (@RudawKurdi) October 13, 2025
🛑Tirkiyeyê piştî hewlên Nêçîrvan Barzanî asmanê xwe ji bo geştên ji Balafirgeha Silêmaniyê vekiribû. Balyozê Brîtanyayê pesnê van hewlên Nêçîrvan Barzanî da pic.twitter.com/eoY9JIh3pV
Serdana Tirkiyeyê û pêvajoya aştiyê
Di daxuyaniyê de hat ragihandin ku têkiliyên Îraq û Herêma Kurdistanê yên bi welatên cîran û herêmê re mijareke din a civînê bû.
Di vê çarçoveyê de, serdana dawî ya Nêçîrvan Barzanî ya Tirkiyeyê û bipêşketinên dawî yên pêvajoya aştiyê li wî welatî hatin nirxandin.
Li aliyê din, Balyozê Brîtanyayê hewlên Serokê Herêma Kurdistanê yên ji bo vekirina asmanê Tirkiyeyê li hemberî geştên esmanî yên ji boSilêmaniyê bilind nirxand.
Rewşa Sûriye û Rojhilata Navîn
Li gorî daxuyaniyê, bipêşketinên rewşa Kurd û pêkhateyên din ên li Sûriyeyê û rewşa giştî ya Rojhilata Navîn aliyekî din ê hevdîtinê bûn.
.jpg&w=3840&q=75)
