Hewlêr (Rûdaw) - Ayhan Bayarê ku berdana wî salek û 6 mehan hatibû paşxistin, piştî 31 sal û 6 mehên hat berdan.
Ayhan Bayar tevî ku dema cezayê xwe yê 30 salî, 14ê Nîsana 2024an temam kiribû jî berdana wî bi biryara Lijneya Îdare û Çavdêriyê ya Girtîgehê salek û 6 mehan hatibû bipaşxistin.
Duh derbarê Ayhan Bayar biryara berdanê hat dayîn û piştî biryarê, ew ji Girtîgeha Tîpa T a Hejmara 1ê ya Rihayê hat berdan.
Li gorî MAyê, piştî biryarê Bayar îro hat berdan û li ber girtîgehê bi girseyî hat pêşwazîkirin.
Malbata wî û Parlamenterên DEM Partiyê Newroz Uysal Aslan û Ferît Şenyaşar jî di pêşwazîkirinê de amade bûn.
Piştî pêşwazîkirinê, Bayar bi malbata xwe re ber bi navçeya Silopiyayê ya parêzgeha Şirnexê ve bi rê ket.
.jpg&w=3840&q=75)
