Hewlêr (Rûdaw) - Hesabê fermî yê medyaya civakî yê CHPyê, şopandina Serokê Giştî yê berê Kemal Kiliçdaroglu terikand.
Piştî ku Daîreya Hiqûqê ya 36an a Dadgeha Edliyeya Herêmî ya Enqereyê li ser doza têkildarî Kongreya Asayî ya 38an a CHPyê biryara "betalkirina teqez" da, di nav partiyê de bipêşketineke nû çêbû.
Biryara dadgehê ya li ser birêvebiriya partiyê
Dadgehê biryar da ku birêvebiriya niha ya partiyê "wekî tedbîr" ji kar were dûrxistin.
Her wiha dadgehê biryar da ku Serokê Giştî yê berê yê CHPyê Kemal Kiliçdaroglu ducare vegere ser birêvebiriya partiyê.
Kiliçdaroglu ji lîsteya şopandinê hat derxistin
Piştî vê biryarê, guherîna di hesabê fermî yê medyaya civakî yê CHPyê de bala xelkê kişand.
Hat dîtin ku Kemal Kiliçdaroglu ji nav wan hesaban hat derxistin ku partî wan dişopîne.
Ev bipêşketin di demekê de çêbû ku di nav CHPyê de nîqaşên li ser kongreyê didomin.