Hewlêr (Rûdaw) - Li Amedê 11 koçberên ji Efxanistanê hatin desteserkirin ku xwe di cihê klîmaya kamyonetekê de veşartibûn.
Li Amedê kar û xebatên tîmên Birêvebiriya Têkoşîna li Dijî Qaçaxçîtiya Koçberan û Deriyên Sînorî ya Birêvebiriya Ewlehiyê ya Bajêr didomin.
Di vê çarçoveyê de polîsên Amedê kamyonetek rawestand û lêgerîn kir.
Polîsan 11 koçberên ji Efxanistanê desteser kirin ku xwe di cihê klîmaya kamyonetê de veşartibûn.
Hêzên ewlehiyê her wiha dest danî li ser kamyonetê jî.
2 gumanbarên ku bi tohmeta qaçaxçîtiya koçberan hatin desteserkirin, piştî lêpirsînê ji aliyê dadgeriya nobedar ve hatin girtin.
Hêzên ewlehiyê koçberên desteserkirî jî ji bo dersînorkirinê veguhastin Navenda Vegerandinê ya Rihayê.
.jpg&w=3840&q=75)
