Hewlêr (Rûdaw) - Ciwanekî Kurd ê ji bajarê Efrînê yê Rojavayê Kurdistanê, di nexweşxaneyeke taybet a Libnanê de hatiye hecizkirin.
Navê wî ciwanî Cemîl Mihemed Remezan e û di qezayeke trafîkê de bi giranî birîndar bûye.
Piştî qezayê, hinek kes Cemîl dibin nexweşxaneyeke taybet a li bajarokê Xêzeranê yê li başûrê Libnanê.
Cemîl li wê nexweşxaneyê hatiye dermankirin.
Birêvebirî nahêle derkeve
Lê belê ji ber ku bavê wî nikare mesrefên nexweşxaneyê bide, birêvebiriya nexweşxaneyê rê nade ku ew ji nexweşxaneyê were derxistin.
Bavê wî Mihemed Remezan Hesen,ji Rûdawê re behsa rewşa kurê xwe kir.
Bavê perîşan xwest ku alîkariya wan were kirin da ku karibin kurê xwe ji nexweşxaneyê derxînin.
