Hewlêr (Rûdaw) - Komên Kupaya Cîhanê ya FIFAyê ya 2026an ku dê Amerîka, Kanada û Meksîka mazûvaniya wê bikin, diyar bûn.
Pişkkişandina kûpayê li Washingtona paytexta Amerîkayê hat kirin û kom hatin diyarkirin.
Serokê Amerîkayê Donald Trump, Serokwezîrê Kanadayê Mark Carney, Serokkomara Meksîkayê Claudia Sheinbaum û Serokê FIFAyê Gianni Infantino beşdarî merasîma pişkişandinê bûn.
Di merasîmê de "Xelata Aştiyê ya FIFAyê ya 2025an" dan Donald Trump.
Di encama pişkiyê de, eger Tîma Neteweyî ya Tirkiyeyê di qonaxa play-offê ya hilbijartinên Ewropayê de bi ser bikeve, dijberên wê diyar bûn.
Eger Tirkiye di tûra play-offê de bi ser bikeve û beşdarî kûpayê bibe, dê di Koma Dyê de li gel Amerîka, Paraguay û Awisturalyayê cih bigire.
Stadyum û demjimêrên maçên ku dê 11ê Hezîranê-19ê Tîrmeha 2026an bên lîstin îro tên eşkerekirin.
Maça vekirinê ya Kupaya Cîhanê ya 2026an dê di navbera Meksîka û Komara Afrîkaya Başûr de bê lîstin.
Sîstema nû û play-off
Ji bo kûpaya ku dê cara yekem bi beşdariya 48 welatan bê lidarxistin, heta niha 42 welatan bilêt wergirtine.
Ji 6 welatên dawî yên ku dê mafê beşdariyê bi dest bixin, 4 ji wan dê ji tûra play-offa hilbijartinên Ewropayê û 2 jî ji qonaxa play-offa parzemînan bên.
Maçên nîv-fînala play-offê dê 26ê Adara 2026an û maçên fînalê jî 31ê Adara 2026an bên lîstin.
Komên Kupaya Cîhanê ya 2026an
Di encama pişkişandina Kupaya Cîhanê ya FIFAyê ya 2026an de kom wiha çêbûn:
Koma Ayê: Meksîka, Koreya Başûr, Komara Afrîkaya Başûr, Play-offa Ewropayê D (Danîmarka-Makedonyaya Bakur / Çekya-Komara Îrlandayê)
Koma Byê: Kanada, Swîsre, Qeter, Play-offa Ewropayê A (Îtalya-Îrlanda Bakur / Galer-Bosna Hersek)
Koma Cyê: Brezîlya, Fas, Scotland, Haîtî
Koma Dyê: Amerîka, Awisturalya, Paraguay, Play-offa Ewropayê C (Tirkiye-Romanya / Slovakya-Kosova)
Koma Eyê: Almanya, Ekvador, Ivory Coast, Curaçao
Koma Fyê: Holenda, Japonya, Tûnis, Play-offa Ewropayê B (Ukrayna-Swêd / Polonya-Arnavût)
Koma Gyê: Belçîka, Îran, Misir, Zelandaya Nû
Koma Hyê: Spanya, Uruguay, Erebistana Siûdî, Kabo Verde
Koma Iyê: Fransa, Senegal, Norwêc, Play-offa Parzemînan a FIFAyê 2 (Bolîvya-Sûrînam / Îraq)
Koma Jyê: Arjantîn, Awisturya, Cezayîr, Urdin
Koma Kyê: Portugal, Kolombiya, Ozbekistan, Play-offa Parzemînan a FIFAyê 1 (Kaledonyaya Nû-Jamaîka / Komara Demokratîk a Kongoyê)
Koma Lyê: Îngilistan, Xirwatistan, Panama, Gana
.jpg&w=3840&q=75)
