نایف رەمەزان

لە كانوونی یەكەمی 2018 بۆ یەكەمجار لە رووداو دەستی بەكاری راگەیاندن كردووە . ڤیتی لەسەر مژارە جۆراوجۆرەكان دەكات . ژمارەیەك لە ڤیتییەكانی لەسەر كێشەكانی خەڵك كاریگەربوونە بۆ چارەسەركردنی ئەو كێشانە. 
لە ئاداری 2019 ڤیتییەكی لەسەر خراپی گوزەرانی ئافرەتێكی دانیشتووی شارۆچكەی ئاكرێ كرد، كە بەتەنیا لە كەلاوەیەكدا لە دۆخێكی زۆر خراپدا دەژیا، دوای بڵاوبوونەوەی، هەڵمەتێكی خێرخوازی ئەنجامدرا بۆ باشكردنی ژیانی ئەو پیرەژنە بێكەسە.
لە ئایاری 2019 ڤیتییەكی لەسەر كێشەی گوندی قەشەفرێی كریستیانەكان لە قەزای سێمێلی پارێزگای دۆهۆك، كە سێ كارگەی شكاندنی بەرد بەشێوەیەكی نایاسایی لە گوندەكە دانرابوون و ببوونە هۆی بێزاری گوندنشینان، دوای بڵاوبوونەوەی ڤیتییەكە، كارگەكان داخران و كێشەی گوندەكە چارەسەربوو.

لە ڤیتییەكی دیكەیدا لە تەممووزی 2019، سەختی ژیان و خراپی گوزەرانی خێزانێكی دانیشتووی كەلەكچی كە دایك و باوكیان بەهۆی نەخۆشییەوە لە جێگەدا كەوتبوون و ئەركی بەخێوكردن و دابینكردنی بژێویان كەوتبووە ئەستۆی كوڕێكی تەمەن 15 ساڵەیان. دوای پەخشبوونی ڤیتییەكە پارێزگاری دهۆك و ژمارەیەك خێرخواز بەدەنگ خێزانە هەژارەكەوە چوون و مووچەیەكی مانگانەشیان بۆ بڕایەوە. 
نایف رەمەزان، لە 1ی ئایاری 1995 لە شارۆچكەی ئاكرێ لەدایكبووە. لە ساڵی 2017 بەشی ئەدەبیاتی ئینگلیزی لە زانكۆی سۆران تەواوكردووە.