رووداو دیجیتاڵ
لە مانگی تشرینی دووەمی داهاتووەوە بەکارهێنانی عەلاگە (کیسەی نایلۆن) بە شێوەی هەنگاو بە هەنگاو لە عێراق قەدەخە دەکرێت، بەڵام بڕیارەکە کیسەی نایلۆنی هەڵگرتنی خۆراک ناگرێتەوە.
دووشەممە، یەکی حوزەیرانی 2026، ئەمیر عەلی، بەڕێوەبەری فەرمانگەی هۆشیاری و راگەیاندنی ژینگەیی سەر بە وەزارەتی ژینگەی عێراق بە تۆڕی میدیایی رووداوی راگەیاند: سەرەتای مانگی تشرینی دووەمی داهاتوو وادەی فەرمیی جێبەجێکردنی بڕیاری ئەنجوومەنی وەزیرانی عێراقە بۆ قەدەخەکردنئ کیسەی نایلۆن بە شێوەیەکی هەنگاو بە هەنگاو، بۆ رێگری لە پیسبوونی ژینگە.
19ی ئایار ئەنجوومەنی وەزیرانی عێراق بڕیاری قەدەخەی بەکارهێنانی کیسەی نایلۆن و هاوردەکردنی دەرکرد.
بەڕێوەبەری فەرمانگەی هۆشیاری و راگەیاندنی ژینگەیی رایگەیاند، ئەو بڕیارە ئەو کیسانە دەگرێتەوە کە بۆ بازاڕکردن بەکاردەهێنرێن و کیسەی نایلۆنی خۆراک هەڵگرتن ناگرێتەوە، رێکارەکە هەڵاوێردی کردووە بۆ ئەوەی کیسەی تایبەت بە سەموون و نان بەکاربهێنرێت، ئەوەش بەگوێرەی رێکاری تایبەت.
بڕیارەکەی ئەنجوومەنی وەزیرانی عێراق بۆ قەدەخەی کیسەی نایلۆن لەسەر پێشنیازی لیژنەی نیشتمانی بۆ رێگری لە پیسبوونی پلاستیکی ژینگە بوو.