کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

بەرگی رۆمانەکەی ئوسامە جەمیل

بەرگی رۆمانەکەی ئوسامە جەمیل

ئه‌ده‌ب

ئوسامە جەمیل رۆمانی قوماش چاپ و بڵاودەکاتەوە

ژیڤان بەکر

ژیڤان بەکر

14-07-2026
گوێبگرە
0:00
0:00
قەبارەی دەق
ژیڤان بەکر
ژیڤان بەکر14-07-2026

بابەتی پەیوەندیدار

هێمن هەورامی کتێبێکی تۆنی بلێر دەکاتە کوردی
ئه‌ده‌ب12-10-2026

هێمن هەورامی کتێبێکی تۆنی بلێر دەکاتە کوردی

لە سلێمانی پەیکەرێک بۆ شێرزاد حەسەن دروست دەکرێ
ئه‌ده‌ب07-07-2026

لە سلێمانی پەیکەرێک بۆ شێرزاد حەسەن دروست دەکرێ

سمێڵ لە زمانی كوردیدا
ئه‌ده‌ب04-07-2026

سمێڵ لە زمانی كوردیدا

رووداو دیجیتاڵ

ئوسامە جەمیل، نووسەر، ئەکتەر، دەرهێنەری دراما و ئەندامی پێشووتری پەرلەمانی عێراق، بۆ یەکەمجار رۆمانێک بە ناوی "قوماش" چاپ و بڵاو دەکاتەوە. 


ئەمڕۆ سێشەممە 14-7-2026 ئوسامە جەمیل، بە تۆڕی میدیایی رووداوی راگەیاند: "ئەم رۆمانە باس لە گەنجێكی كوردی ساڵانی هەشتاكانی سەتەی رابردوو دەکات؛ عاشقی كچێک دەبێت و دەیەوێ هاوسەرگیری لەگەڵ بكات، بەڵام رووبەڕووی كۆمەڵێک بەربەستی سیاسی و كۆمەڵایەتی سەخت دەبنەوە. هەموو هەوڵی خۆیان بۆ پێکگەیشتن دەدەن، بەڵام بەربەستەكان هێندە گەورەن، دووچاری کێشەی گەورەی وەک راوەدوونان، گیران و رۆژگاری سەختی بەندیخانەشیان دەكاتەوە."

ئوسامە جەمیل دەڵێت تاوەکو ئێستا سێ رۆمانی نووسیوە، بەڵام ئەمە یەکەم رۆمانیەتی چاپ دەکرێت. گوتیشی رۆمانەکە لەلایەن ناوەندی ئاشتی چاپ دەكرێ و رەنگە لە داهاتووشدا هاوكاری زیاتریان هەبێت و نووسەر زۆربەی بەرهەمەكانی لەوێ چاپ بكات.

لەبارەی لە چاپدان و بڵاوکردنەوەی کتێبەکەوە، ئاشتی شێرکۆ، بەڕێوەبەری ناوەندی ئاشتی لە هەولێر بە رووداوی گوت: "لە ناوەندەکەماندا، لە چاپکردنی کتێب بەردەوامین و ئێستا زۆر گرنگی بە کتێبی نووسەرانی کورد دەدەین."

ئاشتی شێرکۆ روونیکردەوە، "ئەو رۆمانەی مامۆستا ئوسامە جەمیل یەکەم جارە چاپ دەکرێت؛ وەک جیهانبینیی خۆمان، پێمان باشە لە هەموو پێشانگە نێودەوڵەتی، کوردی و نێوخۆییەکان چەند ناونیشانێکی نووسەرانی کوردمان هەبێ و ناونیشانەکانیش نوێ بن."

لەبارەی کاتی بڵاوکردنەوەی کتێبەکەوە، بەڕێوەبەری ناوەندی ئاشتی گوتی، بە نیازن لە رۆژی 21-10-2026 لە پێشانگەی نێودەوڵەتیی هەولێر بۆ کتێب بڵاوی بکەنەوە. دەشڵێت: "رۆمانەکە 574 لاپەڕەیە و بە تیراژی هەزار دانە لە چاپخانەی تاران و شاری تاران، چاپ دەکرێت.

ئوسامە جەمیل عەلی، 23ی کانوونی یەکەمی 1965 لەدایک بووە؛ سیاسەتڤان، نووسەر، ئەکتەر و دەرھێنەرێکی کوردە. لە ساڵی 1994 تاوەکو 2000 بەڕێوەبەری رادیۆ و تەلەفزیۆنی یەکگرتوو بووە.

لە ماوەی ساڵانی 2010 بۆ 2014 لەسەر لیستی یەکگرتووی ئیسلامیی کوردستان ئەندامی پەرلەمانی عێراق بووە. بەر لەوەش لە چەند کارێکی ھونەری وەک ئەکتەر، نووسەر و دەرھێنەر بەشداریی کردووە. لە ساڵی 2002، لە زنجیرەی تەلەڤیزیۆنیی مەمی ئالان بە رۆڵی میر ئێزدین دەرکەوت. 

ئێستا زۆربەی نووسینەكانی لە سۆشیال میدیا بڵاودەكاتەوە؛ نووسەر هەموو بەرهەمەكانی بە بنزاری هەولێرێ دەنووسێ و بڵاودەكاتەوە.

بابەتی پەیوەندیدار

هێمن هەورامی کتێبێکی تۆنی بلێر دەکاتە کوردی
ئه‌ده‌ب12-10-2026

هێمن هەورامی کتێبێکی تۆنی بلێر دەکاتە کوردی

لە سلێمانی پەیکەرێک بۆ شێرزاد حەسەن دروست دەکرێ
ئه‌ده‌ب07-07-2026

لە سلێمانی پەیکەرێک بۆ شێرزاد حەسەن دروست دەکرێ

سمێڵ لە زمانی كوردیدا
ئه‌ده‌ب04-07-2026

سمێڵ لە زمانی كوردیدا

پێشنیازەکان

ئەمەنەش ببینە