''بۆ یەکەمجار'' گونی دەستکرد لە نەخۆشخانەی رزگاری بۆ گەنجێک چێندرا

رووداو - تەندروستی

گەنجێک تاکە گونێکی هەبووە و لە نەخۆشخانەی رزگاری لە هەولێر تاکەکەی دیکەی بە دەستکردی بۆ دانرا. بەپێی پزیشکی نەشتەرگەر، ئەمە یەکەمجارە نەشتەرگەری لەو جۆرە لە نەخۆشخانەکە بکرێت و موژدەیەکە بۆ ئەوانەی بە هۆکاری جیاواز گونیان لەدەستداوە.

ئەوەش باس دەکرێت کە گونە دەستکردەکە تەنیا بۆ جوانکارییە و هیچ فەرمانێکی بایۆلۆژی نییە بۆ دروستکردنی سپێرم و تێستۆستیڕۆن.

د. مستەفا عوسمان سەرپەرشتیی نەشتەرگەرییەکەی کردووە و دەڵێت، ئەو گونە دوو گونی هەیە، بەڵام تەنیا یەکێکیان فەرمانی بایۆلۆژیی هەیە و ئەوەکەی دیکە تەنیا سلیکۆن و پلاستیکە کە پڕکراوە لە گیراوەی (نۆڕماڵ سەڵاین).