تەندروستیی جیهانی: 70٪ـی خانمان نازانن فرەکیسی هێلکەدانیان هەیە

رووداو - تەندروستی

بەپێی رێکخراوی تەندروستیی جیهانی پشت بە توێژینەوە جیهانییەکان دەبەستێت و دەریخستووە، لە 8٪ بۆ 13٪ی خانمان لە تەمەنی منداڵبوون تووشی فرەکیسی هێلکەدان دەبن. رێکخراوەکە ئاماژەی بەوە کردووە، لەوانەیە تا 70٪ی حاڵەتەکان لە جیهاندا دەستنیشان نەکرابن.

نیشانە سەرەکییەکانی دەستنیشانکردنی نەخۆشییەکە بریتین لە؛

- تێکچوونی سووڕی مانگانە.
- بەرزیی ئاستی هۆڕمۆن دەبێتە هۆی دەرکەوتنی مووی زیادە.
-زیپکە یان رووتانەوەی قژ.
- لەگەڵ بوونی چەندین کیسی بچووک لە هێلکەدانەکاندا لە پشکنینی سۆنەردا دەردەکەوێت.

مەترسییەکانی نەخۆشییەکە بریتین لە:
- تووشبوون بە شەکرەی جۆری 2
- نەخۆشییەکانی دڵ
- کێشەی دەروونی وەک خەمۆکی و دڵەڕاوکێ.

بەپێی رێنوێنییەکانی رێکخراوی تەندروستیی جیهانی، کۆنتڕۆڵکردنی نەخۆشییەکە لەڕێگەی گۆڕینی شێوازی ژیانەوە دەبێت، بریتییە لە؛

- دابەزاندنی کێش، وەرزشکردن و کەمکردنەوەی کاربۆهیدرات و شەکر.

- چارەسەری پزیشکی وەک بەکارهێنانی حەبی رێکخستنی سووڕی مانگانە لەژێر چاودێری پزیشکدا پێشنیاز دەکرێت.