زانکۆی هارڤارد: مادە پاککەرەوەکان بە دروستی بەکارنەیەن، هۆکاری رەبۆن

تەندروستی - رووداو

پسپۆڕانی تەندروستی لە زانکۆی هارڤارد هۆشداری دەدەن لەوەی بەکارهێنانی بەردەوامی مادە پاککەرەوە کیمیاییەکان لە ماڵەوە، زیان بە کۆئەندامی هەناسە دەگەیێنێت و مەترسیی تووشبوون بە نەخۆشیی رەبۆ زیاد دەکات.

بەگوێرەی توێژینەوەکان، بەکارهێنانی بەردەوامی سپرای پاککەرەوە و مادە کیمیاییە بەهێزەکان دەبێتە هۆی هەڵمژینی ئەو پێکهاتە زیانبەخشانەی کە رێڕەوی هەناسە دەوروژێنن و دەبنە هۆی هەوکردن.

توێژینەوەکان دەریانخستووە، ئەو کەسانەی بە بەردەوامی کاری پاککردنەوە دەکەن، بەتایبەتیش خانمان، توانای سییەکانیان بەشێوەیەکی بەرچاو دادەبەزێت و زیاتر تووشی نیشانەکانی هەناسەتەنگی دەبنەوە.

پسپۆڕان زانکۆی هارڤارد بۆ کەمکردنەوەی مەترسییەکان ئەم رێنوێنیانە دەخەنەڕوو:

- لەکاتی پاککردنەوەدا، دەرگا و پەنجەرەکان بکرێنەوە بۆ ئەوەی هەوای ژوورەکان بگۆڕدرێت.

- بەکارهێنانی بەرهەمە سرووشتییەکان وەکو سرکە و سۆدە لەبری مادە کیمیاییە بەهێزەکان.

هۆشداری لە دەیان جۆری پاککەرەوە لەنێو بەرنامەی دکتۆر ئاراسدا دەدرێت