توێژینەوەیەک لە کەنەدا: دەرمانێک بەهەڵە و بە بێ راوێژی پزیشک بەکاربێت، دەبێتە هۆی مردن

رووداو - تەندروستی

دەرزیی دژەبەکتریایەک لە گرووپی چوارەمی سێفالۆسپۆڕین مەترسیی مردن زیاد دەکات بەراورد بە جۆرەکانی دیکەی هەمان گرووپ و هۆشداریی لێوە دەدرێت.

توێژینەوەیەک لە نەخۆشخانەی رۆزەمۆنت لە مۆنتریال لەسەر 22 هەزار نەخۆش ئەنجامدرا و دەرکەوت، بەکارهێنانی دژەبەکتریای  (Cefepime) بۆ هەوکردنی تووند، ئەگەری 94٪ پەیوەندی بە بەرزبوونەوەی مەترسیی مردن هەیە. 

د. زەهرا سوهانی، پسپۆڕی نەخۆشییەکانی هەناو رایگەیاند، مەترسیی دژەبەکتریاکە لە پێگەیشتوواندا زیاترە و لە منداڵاندا نیشانەی روونی مردن نەبینراوە. بەگوێرەی ناوبراو، کێشەکە رەنگە پەیوەندی بە ژەمی دەرمانەکەوە هەبێت نەک خودی دەرمانەکە، دوو هۆکاری سەرەکی لەخۆدەگرێت:

- بەکارهێنانی ژەمی کەمتر لە پێویست کە چارەسەرەکە ناتەواو دەکات. 
- بەکارهێنانی ژەمی زیادە، بەهۆی کێشەی گورچیلەوە لە جەستە کۆدەبێتەوە و دەبێتە هۆی ژەهراویبوونی دەمارەکان.

نەخۆشخانەی رۆزەمۆنت دەڵێت: ئەم لێکۆڵینەوەیە مانای ئەوە نییە دەرمانی (Cefepime) قەدەخە بکرێت یان لە رێنوێنییەکان لابدرێت، بەڵکو پەیامی سەرەکی ئەوەیە، ژەمەکان و بەکارهێنانەکەی پێویستی بە چاودێری کارکردنی گورچیلە و ژەمی گونجاو هەیە وەک (2 گرام هەموو 8 کاتژێرێک لەکاتی خۆیدا)، دەرمانەکە نابێت پشتگوێ بخرێت، چونکە چارەسەرێکی کاریگەرە بۆ بەکتریا مەترسیدارەکان.