رووداو - تەندروستی
پڕۆفیسۆرێکی گورچیلە ئاشکرای دەکات، نەخۆشییەکانی گورچیلە زۆربەیان نیشانەیان نییە و هەتا پشکنین نەکرێت، دەرناکەون.
ئەمڕۆ پێنجشەممە 8-10-2026 پڕۆفیسۆر د. سەفا موختار، راوێژکار و پسپۆڕی نەخۆشییەکانی گورچیلە بە رووداوی راگەیاند، رەنگە کەسێک 10 ساڵ بێت کێشەی گورچیلەکانی هەبێت و هیچ نیشانەشی نەبێت، هەتا لەناکاو بە پەککەوتنی گورچیلەکان دەستپێدەکات.
پڕۆفیسۆر د. سەفا موختار ئاشکرای کرد، ئێستا بەهۆی پێشکەوتن لەبواری پزیشکیدا، چارەسەر و مامەڵەکردن لەگەڵ کێشەکانی گورچیلە باشتر بووە بەتایبەت بۆ نەشتەرگەرییەکانی چارەسەری گورچیلەکان و دەڵێت: نەخۆشەکانی ناوچە جیاوازەکان پشت بە پزیشکانی هەولێر دەبەستن بۆ چاندنی گورچیلە.
دۆست و دووژمنەکانی گورچیلەکان
دۆستەکان
* ئاو
* سەوزە
دووژمنەکان
* خوێ
* شەکر
* ئازارشکێنەکان
* کافاین
* خۆراکە ئامادەکراوەکان
* کەمخەوی
* زۆرخواردنی گۆشت
* کحول
