قالیباف لە بەغدا لەگەڵ سەرکردەکانی عێراق کۆدەبێتەوە

رووداو دیجیتاڵ

سەرۆکی پەرلەمانی ئێران دەگاتە بەغدا، لەگەڵ سەرکردەکانی عێراق کۆدەبێتەوە و پەیوەندییەکانی هەردوو وڵات تاوتوێ دەکەن. 

هەرێم کەمال ئاغا، سەرۆکی فراکسیۆنی یەکێتیی نیشتمانیی کوردستان لە پەرلەمانی عێراق ئەمڕۆ بە تۆڕی میدیایی رووداوی راگەیاند، بەیانی ئەمڕۆ محەممەد باقر قالیباف، سەرۆکی پەرلەمان ئێران بە سەردانێک دەگاتە بەغدا.

راشیگەیاند، "کاژێر 9:30 بەیانی لە هۆڵی دەستووری پەرلەمانی عێراق لەگەڵ هەیبەت حەلبووسی، سەرۆک پەرلەمانی عێراق و سەرۆک فراکسیۆنەکانی نێو پەرلەمان پێشوازی لێدەکەن و دوایین پێشهاتەکان و پەیوەندییەکانی نێوان بەغدا و تاران تاوتوێ دەکەن".

سەرۆکی فراکسیۆنی یەکێتیی نیشتمانیی کوردستان ئاماژەی بەوەکرد، سەرۆکی پەرلەمانی ئێران دواتر لەگەڵ سەرۆککۆمار و سەرۆکوەزیرانی عێراق و سەرکردە سیاسییەکانی دیکە کۆدەبێتەوە.