رووداو دیجیتاڵ
بزووتنەوەی (نوجەبا) دەڵێ، بەشداری لە پرۆسەی سیاسیدا ناکەن و لە فەرهەنگیاندا چەکدانان و سنووردارکردنی چەک نییە.
چوارشەممە 21ـی تشرینی یەکەمی 2026، عەبدولقادر کەربەلایی، یاریدەدەری سەربازیی بزووتنەوەی (نوجەبا)لە راگەیێندراوێکدا لە تۆڕی ئێکس رایگەیاند، بڕیاریان جێگیر و نەگۆڕە لەبارەی بەشدارینەکردن لە پرۆسەی سیاسی.
بزووتنەوەی (نوجەبا) یەکێکە لە گرووپە چەکدارەکانی نێو (موقاوەمەی ئیسلامی) لە عێراق کە پەیوەندییان لەگەڵ ئێران هەیە.
عەبدولقادر کەربەلایی دەڵێت: "ئەوەی پەیوەندیدارە بە چەکی پیرۆزی موقاوەمە، لە چەمک و فەرهەنگی ئێمەدا شتێک نییە بە ناوی سنووردارکردن، رادەستکردن و داماڵین."
نوجەبا یەکێکە لەو گرووپانەی تاوەکو ئێستا بە تەواوی نەچوونەتە ژێر باری پلانی سنووردارکردنی چەک لە دەستی دەوڵەت کە حکومەتەکەی عەلی فالح زەیدی لەعێراق دەستیپێکردووە.
بەرپرسەکەی نوجەبا ئاماژە بەوە دەکات کە ئامانجیان ئەوەیە عێراق تەواوی "سەروەری"ی خۆی وەربگرێتەوە و گەندەڵى نەمێنێت.
