رووداو دیجیتاڵ
بافڵ تاڵەبانی، سەرۆکی یەکێتیی نیشتمانی کوردستان بۆ کۆچی دوایی هەڵکەوت عەزیز، پرسە و سەرەخۆشیی خۆی ئاراستەی بنەماڵە، هاوڕێ و هاوکارانی دەکات.
بافڵ تاڵەبانی دەڵێت: "بە داخ و خەمێكی زۆرەوە، هەواڵی كۆچی دوایی رۆژنامەنووسی بەڕێز کاک هەڵکەوت عەزیزمان پێگەیشت. بۆ ئەم خەمە پرسە و سەرەخۆشی ئاڕاستەی بنەماڵە و هاوڕێ و هاوکارانی کاک هەڵکەوت لە تۆڕی میدیایی رووداو دەکەین و هاوبەشی خەمیانین."
سەرۆکی یەکێتی نزا دەکات، خوای گەورە گیانی كۆچكردوو بە بەهەشتی بەرین شادبكات، ئارامی و سەبووری بە هەموو لایەک ببەخشێت.
مەرگی هاوکارمان و رۆژنامەڤانی دیاری کوردستان، هەموو کوردستانییانی تاساند. دوای ئەوەی لە رێگەی بەغدا - بەسرە تووشی رووداوی هاتووچۆ بوو، دوا نیوەڕۆی ئەمڕۆ دووشەممە، 8-6-2026 هەڵکەوت عەزیز، پەیامنێر و بەرپرسی نووسینگەی رووداو لە بەغدا بەهۆی سەختیی برینەکەیەوە گیانی لەدەستدا.
