کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

گوتەبێژی کۆمەڵی دادگەری: بەناوی کاک مەسعودەوە تەلەفۆن بۆ کاک بافڵ کراوە

ئەحمەد حەمید

ئەحمەد حەمید

17-11-2026
گوێبگرە
0:00
0:00
قەبارەی دەق
ئەحمەد حەمید
ئەحمەد حەمید17-11-2026

بابەتی پەیوەندیدار

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست
کوردستان18-11-2026

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین
کوردستان18-11-2026

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد
کوردستان18-11-2026

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد

رووداو دیجیتاڵ

گوتەبێژی کۆمەڵی دادگەریی کوردستان رایدەگەیێنێت، لە رێگەی کەسێکی نزیکەوە بە ناوی سەرۆک مەسعود بارزانییەوە پەیوەندی بە بافڵ تاڵەبانییەوە کراوە و چاوەڕوان دەکرێت لە ئاستی مەکتەبی سیاسیی هەردوولا کۆبوونەوە بکرێت. دەشڵێت، سەرۆک بارزانی دەتوانێت رێگری لە دوولەتبوونی هەرێمی کوردستان بکات.

محەممەد حەکیم، گوتەبێژی کۆمەڵی دادگەریی کوردستان، ئەمڕۆ لە کاتی بەشداریکردنی لە بۆڵتەنی کاژێر 12:00ـی تۆڕی میدیایی رووداودا، کە سەنگەر عەبدولڕەحمان پێشکەشی کرد، ناوەڕۆکی کۆبوونەوەکەی حیزبەکەی لەگەڵ شاندێکی یەکێتیی نیشتمانیی کوردستان خستەڕوو و گوتی: "کاک بافڵ نیگەرانیی خۆیان لە دۆخی دروستبوو و دەرهاویشتەکانی پاش کۆبوونەوەکەی پەرلەمان نیشان دا."

سەبارەت بە هەوڵەکانی نێوەندگیری و کەمکردنەوەی گرژییەکان، گوتەبێژی کۆمەڵی دادگەری ئاماژەی بەوە دا کە کلیل و چارەسەری سەرەکی لای پارتی دیموکراتی کوردستانە و رایگەیاند: "خۆشبەختانە پەیوەندییەکی تەلەفۆنی بەناوی کاک مەسعودەوە بۆ کاک بافڵ کراوە و چاوەڕوان دەکرێت کۆبوونەوەی مەکتەبی سیاسیی هەردوولا رووبدات. بەپێی زانیارییەکانی من، بەرپرسێکی باڵای پارتی کە نزیکە لە کاک مەسعودەوە ئەو پەیوەندییەی کردووە."

لەبارەی دەنگۆی دوو ئیدارەیی یان لامەرکەزیی ئیدارەکان، محەممەد حەکیم هەڵوێستی کۆمەڵی دادگەریی روونکردەوە و گوتی: "ئێمە لەگەڵ یەک هەرێمین، بەڵام هەر ئیدارەیەک لە بەرژەوەندیی هاووڵاتییانی پارێزگاکانی هەرێم بێت، ئێمە لەگەڵ ئەوەداین؛ چی لە بەرژەوەندیی خەڵکدایە ئەوە بکرێت، هەرچەندە تاوەکو ئێستا هیچ پرۆژە و پێشنیازێکی فەرمی لەبارەی دووئیدارەیییەوە نەهاتووەتە بەردەستمان."

گوتەبێژی کۆمەڵی دادگەری ئاماژەی بە هەنگاوەکانی یەکێتی و نەوەی نوێ لە بەغدا کرد و گوتی، جووڵەکانیان ئاراستە کراوە بەرەو جێگیرکردنی سیستەمێکی جیاواز لە رووی بودجە و مووچەوە بۆ ئەو ناوچانەی کە بە ئیدارەی جیا ناویان دەبەن.

سەبارەت بە رۆڵی سەرۆک مەسعود بارزانیش لەم قۆناخە هەستیارەدا، محەممەد حەکیم گوتی: "پێموایە جەنابی کاک مەسعود دەتوانێت رۆڵی گەورە ببینێت؛ هیچ کوردێکی ژیر پێی خۆش نییە هەرێمەکەمان دوو لەت بێت یان دوو حکومەتی هەبێت. هەموو چاوەڕوانییەکان لەسەر ئەوەن کە کاک مەسعود، وەک کەسی یەکەم لە کوردستان، رێگری لەم دابەشبوونە بکات."

لە بەشێکی دیکەی قسەکانیدا، گوتەبێژی کۆمەڵی دادگەری ئەو دەنگۆیانەی رەتکردەوە کە گوایە شاسوار عەبدولواحید، سەرۆکی جووڵانەوەی نەوەی نوێ، ویستوویەتی بەشداری لە کۆبوونەوەی نێوان بافڵ تاڵەبانی و عەلی باپیر بکات و رێگری لێکرابێت و گوتی: "ئەو هەواڵە دوورە لە راستییەوە؛ کاک شاڵاو، بەرپرسی نووسینگەی کاک بافڵ پەیوەندیی کرد و گوتی کاک بافڵ پێخۆشە مامۆستا عەلی باپیر ببینێت، باسی کەسێکی دیکە نەکراوە."

محەممەد حەکیم سەبارەت بە پەیوەندییەکانیان لەگەڵ لایەنەکاندا رایگەیاند کە نەوەی نوێ ئێستا ئۆپۆزیسیۆن نییە، بەڵکو حیزبێکە هاوپەیمانیی لەگەڵ دەسەڵاتدا هەیە و لەسەر هەڵوێستی خۆی ئازادە.

 

بابەتی پەیوەندیدار

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست
کوردستان18-11-2026

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین
کوردستان18-11-2026

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد
کوردستان18-11-2026

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد

پێشنیازەکان

ئەمەنەش ببینە