کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

کوردستان

منداڵانی 7 گوند لە قوتابخانەیەکدا دەناڵێنن؛ هەم بێ مامۆستان و هەم پۆلەکانیان وێرانن

پێشەوا بەختیار

پێشەوا بەختیار

17-11-2026
گوێبگرە
0:00
0:00
قەبارەی دەق
پێشەوا بەختیار
پێشەوا بەختیار17-11-2026

بابەتی پەیوەندیدار

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست
کوردستان18-11-2026

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین
کوردستان18-11-2026

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد
کوردستان18-11-2026

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد


رووداو دیجیتاڵ

قوتابخانەی گوندی گەڵناغاج لە ناحیەی ئاخجەلەر کە 90 قوتابیی حەوت گوندی تێدا دەخوێنن، بەدەست نەبوونی مامۆستا و خراپیی بیناکەیەوە دەناڵێنێت. نیوەی پۆلەکانی قوتابخانەکە کابینەن و بەگوتەی قوتابییان "لە زستاندا تکە دەکەن و هاوینانیش وەک حەمامی لێدێت"؛ کەسوکاری قوتابییەکانیش بۆ چارەسەرکردنی کێشەکان گردبوونەوەیەکیان رێکخست.



قوتابییانی ئەو قوتابخانەیە هەر لەگەڵ دەستپێکی خوێندنی ساڵی نوێدا، کێشە و گرفت روویتێکردوون و بەرۆکیان بەرنادات. نەبوونی مامۆستا و کۆنی و وێرانبوونی پۆلەکانی خوێندن، کە نیوەی قوتابخانەکە لە کابینە دروستکراوە، پرۆسەی خوێندنی لە قوتابییەکانی قوتابخانەی گوندی گەڵناغاج قورس کردووە.

قوتابییەکان گلەیی لە نەبوونی مامۆستا دەکەن؛ پەری سەروەر، قوتابییەکی قوتابخانەکەیە و دەڵێت: مامۆستای ئایین و بیرکاریمان نییە. مەیلی گۆران، قوتابییەکی دیکەیە و باس لەوە دەکات: مامۆستای بیرکاری و ئینگلیزیم نییە، لە پۆلی یەکەمەوە باوکم فێری کردووم. هەروەها سامان سۆران، دەڵێت: مامۆستاکەمان گوتی وانەم زۆر لایە، ناتوانم زانستان پێبڵێم.

جگە لە نەبوونی مامۆستا، خراپیی پۆلەکان کێشەیەکی دیکەیە کە مەترسی لەسەر تەندروستی و کەشی خوێندنیان دروستکردووە. هۆگر سەنگەر، قوتابیی قوتابخانەکە دەڵێت: لە زستاندا کابینەکان تکە دەکەن، لە هاوینیشدا دەبێتە حەمام هێندە گەرمە.

قوتابخانەکە 90 قوتابیی هەیە و لە پۆلی یەک تاوەکو نۆی بنەڕەتی وانەی لێ دەخوێنن. منداڵانی حەوت گوندی سنووری ناحیەی ئاخجەلەر بۆ خوێندن روو لەو قوتابخانەیە دەکەن. بەهۆی ئەو کێشانەوە، کەسوکاری قوتابییەکان گردبوونەوەیەکیان رێکخست و داوای چارەسەرکردنی گرفتی منداڵەکانیان کرد.

عەباس محەممەد، کەسوکاری یەکێک لە قوتابییەکان دەڵێت: دڵمان ژان دەکات کە منداڵەکانمان بەهۆی بێ مامۆستاییەوە فێری هیچ نابن. رابەر مامە، یەکێکی دیکە لە کەسوکاری قوتابییەکان، هۆکاری دروستبوونی کێشەکە رووندەکاتەوە و دەڵێت: پار کێشەمان نەبوو، ئەمساڵ دوو مامۆستایان بێ پرس گواستەوە، ئەوە وایکرد کێشە دروست بێت.

لەبارەی کێشەی ئەو قوتابخانەیە، بەڕێوەبەری پەروەردەی چەمچەماڵ بە تۆڕی میدیایی رووداوی راگەیاند: بۆ چارەسەری کێشەی قوتابخانەی گوندەکانی ئاخجەلەر کۆبووینەوە و هەوڵی چارەسەری کێشەکانیان دەدەین، کە بەشێکی لە دەسەڵاتی ئێمەدا نییە، چونکە دامەزراندن نییە و کەمیی مامۆستا هەراسانی کردووین. هاوکات ئاماژەی بەوەش کرد کە داوایان کردووە بڕیاری داخستنی قوتابخانەی ئامادەییی گەڵناغاج هەڵبوەشێتەوە.

بابەتی پەیوەندیدار

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست
کوردستان18-11-2026

دەرچووانی بەشە نەوتییەکان لە کەرکووک خۆپێشاندانیان کرد و دەرگای پارێزگایان داخست

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین
کوردستان18-11-2026

بەرپرسیار؛ جووتیارانی رۆڤیا لە شێوازی قەرەبووکردنەوەی زەوییەکانیان ناڕازین

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد
کوردستان18-11-2026

بەڕێوەبەری ئاوەڕۆی هەولێر: چوار ملیۆن مەتر سێجا ئاو لە پیڕرەشەوە رووی لە ناو شار کرد

پێشنیازەکان

ئەمەنەش ببینە