رووداو دیجیتاڵ
ئەمڕۆ هەینی بەهۆی رووداوێکی هاتووچۆوە لە نزیک فەلووجە لە پارێزگای ئەنبار، دوو هاونیشتمانیی دانیشتووی سنووری قەزای کۆیە گیانیان لەدەستدا.
تاریق حەیدەری، قایمقامی قەزای کۆیە بە تۆڕی میدیایی رووداوی گوت: "ئەو دوو هاونیشتمانییە لە رێگەی بەغدا بە رووداوی هاتووچۆ گیانیان لەدەست داوە".
رووداوەکە نزیک شاری فەلووجە بووە لە پارێزگای ئەنبار و نزیکەی 65 کیلۆمەتر لە بەغدای پایتەختەوە دوورە، هەردوو هاونیشتمانییەکە ئۆتۆمبێلێکی تەکسییان پێبووە و وەرگەڕاون.
کەسێکی ئاگادار لە رووداوەکە بە رووداوی گوت: "ئەو دووانەی گیانیان لەدەست داوە زاوا و خەزوورن".
ئەوانەی گیانیان لەدەستداوە ناویان شۆڕش کاکە رەسووڵ و محەممەد ئەحمەد عەزیزە. کەمێک لەمەوبەر کەسوکاریان لە قەزای کۆیەوە بەڕێکەوتوون بۆ هێنانەوەی تەرمەکانیان.
