رووداو دیجیتاڵ
تیمی پڕۆژەی (هەژماری من) رایگەیاند، ئەمڕۆ یەکشەممە، دابەشکردنی مووچەی مانگی ئەیلوول لە رێگەی بانکەکانی نێو پڕۆژەی هەژماری منەوە لە سەرجەم پارێزگاکانی هەرێمی کوردستان دەستپێدەکات و لە سێ رۆژدا سەرجەم مووچەخۆران مووچە وەردەگرن.
ئەمرۆ یەکشەممە 11ی تشرینی یەکەمی 2026، تیمی پرۆژەی (هەژماری من) لە راگەیێنراوێک دا رایگەیاند: ژمارەی تۆمارکراوان لە پڕۆژەکە گەیشتووەتە 1.14 ملیۆن مووچەخۆر. ئەم مانگە 1.02 ملیۆن سوودمەند مووچەکانیان راستەوخۆ لە رێگەی "هەژماری من"ـەوە وەردەگرن.
بە گوێرەی راگەیێنراوەکە، 800 ئامێری راکێشانی پارە (ATM) لە 200 شوێنی هەرێمی کوردستان دانراون. دابەشبوونی مووچەخۆرانیش بەسەر پارێزگاکاندا بەم شێوەیەیە: 422 هەزار لە هەولێر، 372 هەزار لە سلێمانی، 197 هەزار لە دهۆک و 25 هەزار سوودمەندیش لە پارێزگای هەڵەبجە.
بەپێی داتاکانی پرۆژەکە 400 هەزار فەرمانبەری مەدەنی، 238 هەزار پێشمەرگە و ئاسایش، 313 هەزار خانەنشین لەگەڵ 65 هەزار خێزانی شەهید مووچەکانیان بە شێوەی دیجیتاكی مووچە وەردەگرن.
وەرگرتنی مووچە لە رێگەی هەژماری منەوە بەردەوام لە هەڵشکاندایە، بە جۆرێک لە مانگی حوزەیران 836 هەزار مووچەخۆر، لە تەممووز 922 هەزار، لە ئاب 1,001,000 و لە مانگی ئەیلوولیشدا 1,016,000 مووچەخۆر مووچەیان بە دیجیتاڵی وەرگرتووە.
