رووداو دیجیتاڵ
بەراورد بە دوێنێ، بەهای دینار دابەزی و هەر 100 دۆلار زیاتر لە هەزار دینار بەرزبووەوە.
ئەمڕۆ دووشەممە 12-10-2026، لەگەڵ کردنەوەی بازاڕەکان، بەهای دینار دابەزی و لە بازاڕی دۆلارەکەی سلێمانی 100 دۆلار بە 165 هەزار و 150دینارە.
حاجی سابیر باواجی، سەرۆکی ئەنجوومەنی بازاڕی ئاڵوگۆڕی دراو لە هەولێر، ئەمڕۆ بە تۆڕی میدیایی رووداوی گوت: "100 دۆلار بۆ 165 هەزار و 150 دینار بەرزبووەتەوە، لەکاتێکدا دوێنێ لە کاتی کردنەوەی بازاڕدا نزیکەی 163 هەزار و 750 دینار بوو."
لەبارەی داهاتووی دینارەوە، سەرۆکی ئەنجوومەنی بازاڕی ئاڵوگۆڕی دراو لە هەولێر گوتی: "سەرۆکوەزیرانی عێراق کە نرخی فرۆشتنی دۆلاری بەرزکردەوە گوتی، دۆلاری زۆر دەخەنە بازاڕەوە، کەمێک نادڵنیایی لە بازاڕدا هەیە. ئێستا دۆلار بخاتە بازاڕەوە بەهای دینار زوو بەرز دەبێتەوە."
چوارشەممە 07-10-2026، بانکی ناوەندیی عێراق و ئەنجوومەنی وەزیرانی عێراق بەهای نوێی دیناریان بەرامبەر دۆلار دیاری کرد، کە رۆژی پێشتر بڕیاری لەسەر درابوو و لەمەودوا بە شێوەیەک دەبێت، کە 100 دۆلار بە 152 هەزار دینار دەدرێتە بازرگانان و هاووڵاتییان.
پێش ئەو بڕیارە، 100 دۆلار بە نرخی فەرمیی بانکی ناوەندی بە 132 هەزار دینار بوو، لە بازاڕەکاندا بە زیاتر لە 150 هەزار دینار مامەڵەی پێوە دەکرا.
