سووریا رەتیدەکاتەوە هێز رەوانەی یەمەن بکات دژی حووسییەکان

ئەحمەد مووەفەق زێدان، راوێژکاری سەرۆکایەتیی سووریا بۆ کاروباری راگەیاندن، ئەو هەواڵ و راپۆرتانەی لەبارەی ناردنی هێزی سەربازیی سووریا بۆ یەمەن بڵاوکراونەتەوە بە "ناڕاست و بێبنەما" ناوبردن.

بنیاتنانەوەی سووریا لە پێشینەدایە

وەزارەتی راگەیاندنی سووریا جەختی لەوە کردەوە کە لە قۆناخی ئێستادا کاری لەپێشینەی دیمەشق بریتییە لە بنیاتنانەوەی وڵات و بەهێزکردنی دامەزراوەکانی، هاوشانی کارکردن لەگەڵ هاوبەشەکان لە هەوڵەکانی ئاوەدانکردنەوە و باشترکردنی بژێویی ژیانی هاووڵاتییانی سووریا. .

تورکیا سووریا عێراق ئێران سعودیە یەمەن عومان میسر ئوردن قوبرس سوودان لوبنان ئیسرائیل فەلەستین کوێت بەحرێن قەتەر ئیمارات دەریای سوور کەنداو دەریای عەرەب

سووریا یەمەن سعودیە 

ئەکسیۆس چی بڵاوکردبووەوە؟

پێشتر ماڵپەڕی ئەکسیۆسی ئەمریکی بڵاویکردبووەوە کە سووریا تاوتوێی ناردنی 10 هەزار بۆ 20 هەزار سەرباز دەکات بۆ یەمەن، بە مەبەستی پشتیوانیکردنی هێزەکانی حکومەت لە رووبەڕووبوونەوەی حووسییەکاندا.

ماڵپەڕەکە لە زاری بەرپرسانی ئەمریکاوە باسی لەوە کردبوو کە دیمەشق تاوتوێی داواکارییەکی سعودیە لەم بارەیەوە دەکات، بێ ئەوەی هیچ بڕیارێکی کۆتایی درابێت.

ئەکسیۆس ئاماژەی بەوەش کردبوو، ئیدارەی ترەمپ لەو گفتوگۆیانە ئاگادار کراوەتەوە و دژایەتیی بڵاوەپێکردنی هێزەکانی سووریا ناکات، هاوکات باسی لە راوێژگۆڕینەوە لەگەڵ فەرماندەیی ناوەندیی هێزەکانی ئەمریکا (سێنتکۆم) کردبوو لەبارەی میکانیزمی جێگیرکردنی ئەو هێزانە ئەگەر هات و پلانەکە پەسند کرا.