توێژینەوەیەک ئاشكرای دەکات، هاوینان باشترین کاتی دووگیانبوونە

توێژینەوەکە لە زانکۆی مانچێستەر لە بەریتانیا لەسەر نموونەی تۆوی نزیکەی شازدە هەزار پیاو کراوە، کە تەمەنیان لەنێوان 18 بۆ 45 ساڵاندا بووە، دەرکەوتووە کە جووڵەی سپێرم (sperm motility)  واتە "توانای سپێرم بۆ مەلەکردن و گەیشتن بە هێلکەی خانمان"  بە شێوەیەکی بەردەوام لە کۆتایی مانگی 6 و سەرەتای مانگی 7ی هاویندا لە بەرزترین ئاستدا بووە، نزمترین ئاستیشی لە مانگەکانی 12 و 1ی زستاندا بووە.

زانکۆ ئینگلیزییەکە ئاماژە بەوەدەکات، هیچ گۆڕانکارییەک لە کۆی ژمارەی سپێرم یان قەبارەی تۆودا رووینەداوە، ئەمەش ئەوە دەگەیەنێت کە هەرچەندە توانای سپێرم بۆ جووڵەی کاریگەر بەپێی وەرزەکان دەگۆڕێت، بەڵام کاتی ساڵ کاریگەریی لەسەر ژمارەی سپێرمی بەرهەمهاتوو نییە.

-خۆراکی تەندروست

-پاراستنی کێشی جەستە

-دوورکەوتنەوە لە جگەرە، ڤەیپ و نێرگەلەکێشان

-دوورکەوتنەوە لە خواردنەوە کحولییەکان

-کەمکردنەوەی دڵەڕاوکێ