Hewlêr (Rûdaw) - Serokê Herêma Kurdistanê Nêçîrvan Barzanî bi vexwendina Tirkiyeyê li bajarê Antalyayê ye û li wê derê bi Alîkarê Serokkomarê Tirkiyeyê Cevdet Yilmaz re civiya.
Nêçîrvan Barzanî her wiha dê bi Wezîrê Parastinê yê Tirkiyeyê re jî bicive.
Serokê Herêma Kurdistanê Nêçîrvan Barzanî ji aliyê Serokkomarê Tirkiyeyê Recep Tayyîp Erdogan ve hat pêşwazîkirin.
Nêçîrvan Barzanî di çarçoveya serdana xwe de bi Alîkarê Serokkomarê Tirkiyeyê Cevdet Yilmaz re civiya.
Serokê Herêma Kurdistanê dê îro êvariya çarşemê beşdarî xwarina êvarê ya serokan a Lûtkeya Guherîna Avhewayê bibe.
Dê mijarên ewlehiyê bên gotûbêjkirin
Nûçegihanê Rûdawê Senger Ebdulrehman li Antalyayê li ser hevdîtinên Serokê Herêma Kurdistanê agahî dan.
Senger Ebdulrehman got ku Serokê Herêma Kurdistanê dê bi Wezîrê Parastinê yê Tirkiyeyê Yaşar Guler re bicive.
Di hevdîtinê de dê parastina sînoran, ewlehiya navbera Herêma Kurdistanê û Îraqê û gelek mijarên din ên ewlehiyê bên gotûbêjkirin.
Îro Serokê Herêma Kurdistanê Nêçîrvan Barzanî li cihê lidarxistina Lûtkeya Serokan hat pêşwazîkirin.
Nêçîrvan Barzanî di Konferansa 31emîn Guherîna Avhewayê ya Neteweyên Yekbûyî (COP31) de ji aliyê Serokkomarê Tirkiyeyê Recep Tayyîp Erdogan ve bi germî hat pêşwazîkirin.
Lûtkeya COP31ê
Lûtkeya Guherîna Avhewayê 9ê Çiriya Paşîn a 2026an dest pê kiriye.
Ev lûtke dê heta 20ê Çiriya Paşîn a 2026an bidome.
Tê çaverêkirin ku nûnerên 197 aliyan û nêzîkî 100 hezar kes beşdarî lûtkeyê bibin.
Armanca sereke ya lûtkeyê ew e ku bilindbûna pileyên germê yên cîhanê di asta 1,5 pileyên sîlîzî de sînordar bike.
.jpg&w=3840&q=75)
.webp&w=3840&q=75)