Nêçîrvan Barzanî û Ursula von der Leyen: Parastina aramiya herêmê girîng e

Hewlêr (Rûdaw) - Serokê Herêma Kurdistanê Nêçîrvan Barzanî bi Seroka Komîsyona Ewropayê Ursula von der Leyenê re pêwendiyên navbera her du aliyan, pirsgirêka avhewayê û aramiya herêmê hatin gotûbêjkirin.

Serokê Herêma Kurdistanê Nêçîrvan Barzanî û Seroka Komîsyona Ewropayê Ursula von der Leyen di çarçoveya Lûtkeya Avhewayê ya Antalyayê (COP31) civiya.

Serokatiya Herêma Kurdistanê li ser civînê daxuyaniyek belav kir.

Hevkariya hevbeş û pirsgirêka avhewayê

Di daxuyaniyê de hat eşkerekirin ku di civînê de behsa bipêşxistina pêwendiyan hatiye kirin û hat gotin:

"Pêwendiyên Yekîtiya Ewropayê yên li gel Îraq û Herêma Kurdistanê hatin nirxandin.

Her wiha hevkariya hevbeş a di warên cuda de, bi taybetî di warê rûbirûbûna guherîna avhewa û jîngehê de hatin gotûbêjkirin."

Aramiya Rojhilata Navîn

Mijareke din a guftûgoya Nêçîrvan Barzanî û Ursula von der Leyenê, alozî û rewşa Rojhilata Navîn bû.

Serokatiya Herêma Kurdistanê li ser vê xalê jî diyar kir, "Behsa rewşa siyasî û ewlehiyê ya herêmê hat kirin û her du aliyan tekezî li ser girîngiya parastina aramiyê kir."