Hewlêr (Rûdaw) - Serokê Herêma Kurdistanê Nêçîrvan Barzanî û Wezîrê Parastinê yê Tirkiyeyê Yaşar Guler li bajarê Antalyayê yê Tirkiyeyê civiyan.
Di civînê de çend mijarên girêdayî rewşa ewlehiyê ya herêmê hatin gotûbêjkirin.
Li gorî daxuyaniya Serokatiya Herêma Kurdistanê, civîn îro di çarçoveya Lûtkeya Avhewayê ya li Antalyayê (COP31) hat kirin.
Di daxuyaniyê de hat ragihand ku di civînê de rewşa ewlehî û leşkerî ya herêmê hat nirxandin.
Her wiha girîngiya bipêşxistina hevkariya hevbeş a di navbera Tirkiye, Îraq û Herêma Kurdistanê de ji bo parastina ewlehî û aramiyê hat gotûbêjkirin.
Serokatiya Herêma Kurdistanê da zanîn ku her du aliyan tekezî li ser girîngiya berdewamiya hevahengiya ewlehiyê û parastina aramiyê kir.
Hat diyarkirin ku divê ev hevahengî bi awayekî be ku di xizmeta aramiya her du aliyan de be.
.jpg&w=3840&q=75)
.webp&w=3840&q=75)