Hewlêr (Rûdaw) – Siyasetmedar Osman Baydemîr li Qamişloyê çû serdana Encûmena Niştimanî ya Kurd a Sûriyeyê (ENKS).
Siyasetmedarê Kurd Osman Baydemîr îro çû baregeha Encûmena Niştimanî ya Kurd a Sûriyeyê (ENKS) ya li Qamişloyê û ji aliyê birêvebirên ENKSyê Silêman Oso, Fesla Yûsif, Feysel Yûsif û hejmarek rayedarên din ve hat pêşwazîkirin.
Encûmena Niştimanî ya Kurd a Sûriyeyê (ENKS) li ser serdana Osman Baydemîr daxuyaniyek belav kir.
Hat ragihandin ku di hevdîtinê de rewşa giştî ya Kurdan li Rojava û Bakurê Kurdistanê hat nirxandin û tekezî li ser girîngiya bihêzkirina yekrêziya Kurdan û rûbirûbûna pirsgirêkan hat kirin.
Her wiha her du aliyan tekezî li ser pêwîstiya pêbendbûna bi encamên Konferansa Yekrêzî û Helwesta Kurdî kir ku armanc jê yekxistina helwesta Kurdî û nêzîkkirina nêrînên di navbera hêzên siyasî yên cuda yên li Rojavayê Kurdistanê de ye.
Di hevdîtinê de her wiha behsa rêyên bipêşxistina pêwendiyên di navbera hêz û aliyên Kurdan de û xebata ji bo rakirina astengiyên li pêşiya pêkanîna vê armanca hevbeş hat kirin.
Osman Baydemîr spasiya pêşwaziya germ û mêvanperweriya ENKSyê kir û tekezî li ser girîngiya berdewamiya pêwendiyan û serdanên dualî kir.
#WÊNE - Osman Baydemîr çû serdana ENKSyê
— RudawKurdi (@RudawKurdi) November 6, 2025
Siyasetmedar Osman Baydemîr li Qamişloyê çû serdana Encûmena Niştimanî ya Kurd a Sûriyeyê (ENKS)
📸 ENKS pic.twitter.com/hpIpnEkSL6
.jpg&w=3840&q=75)