Hewlêr (Rûdaw) - Li navçeya Peyasê ya Ameda Bakurê Kurdistanê 120 darên ku ji aliyê şaredariyê ve hatibûn çandin, ji aliyê hinek kesan ve hatin birîn û hinek jî ji reh hatin derxistin.
Şaredariya Peyasê sala borî li taxa Talaytepeyê li ser qadeke 51 hezar metre çargoşe dar çandibûn da ku qada kesk a bajêr zêde bike.
Darên ku hatin birîn temenê wan di navbera 7 û 10 salî de bûn.
Alîkara Hevserokên Şaredariya Peyasê Gulistan Nazlierê bûyer wekî "komkujiya daran" bi nav kir û got:
"Me çavên xwe bi komkujiyekê vekir. Me bi kedeke mezin ev dar pêgihandibûn.
Em ji bo Peyaseke kesktir û bajarekî kesktir têdikoşin lê mixabin komkujî li van daran hatiye kirin."
Nazlierê da zanîn ku ew dê ji bo dîtin û cezakirina berpirsan lêpirsîna pêwîst bidin destpêkirin û anî ziman:
"Em dest ji vî karî bernadin û em dê li şûna van darên ku birîne kampanyayekê bikin û hemû qadên xwe careke din kesk bikin."
.jpg&w=3840&q=75)