نامۆ عەبدوڵڵا

لە ساڵی 2010ەوە دەستیكردووە بە كاركردن لە رووداو. بۆ یەكەمین جار نامۆ عەبدوڵڵا وەك یەكەمین رۆژنامەڤانی كورد و یەكەمین پەیامنێری دەزگایەكی میدیایی كوردستان لە ساڵی 2013 بەشداریكردووە لە كۆنفرانسە رۆژنامەڤانییەكانی وەزارەتی دەرەوەی ئەمریكا و تائێستاش بەردەوامە. هەروەها چەند جارێكیش بەشداربووە لە كۆنفرانسە رۆژنامەڤانییەكانی كۆشكی سپی ئەمریكا. 

نامۆ عەبدوڵڵا، یەكەمین رۆژنامەڤانی كوردە پرسیارەكانی نێو هزری كوردی بگەیێنێتە كۆنفرانسە رۆژنامەڤانییەكانی وەزارەتی دەرەو كۆشكی سپی ئەمریكا. لەكاتی هێرشی داعش بۆ سەر شنگال، كۆبانێ و جینۆسایدكردنی كوردانی ئێزدی، نامۆ عەبدوڵڵا بە پرسیارەكانی لە وەزارەتی دەرەوەی ئەمریكا خۆشەویستییەكی زۆری پەیداكرد. 

نامۆ عەبدوڵڵا، ماوەیەك بەرنامەی شرۆڤەیی (لە واشنتنەوە) و ئینجا بەرنامەی (لەگەڵ نامۆ)ی لە ستۆدیۆی رووداو لە واشنتنەوە پێشكێشدەكرد. 
رووماڵی زۆر كۆنفرانسی گرنگی ئەمریكای كردووە، رووماڵی هەڵبژاردنەكانی ئەمریكای كردووە.