کەمبوونەوەی هاوردەی کبریتی بەرگری لە گەڵای تەماتە، جووتیارانی هەرێمی کوردستانی نیگەران کردووە و ترسیان هەیە نیووەی بەرهەمەکانیان لە دەست بدەن.
کبریت تەنیا بڕەکەی کەم نەبووەتەوە، بەڵکو نرخی هەر تۆنێکی لە 500 هەزار دینارەوە بۆ ملیۆنێک و 500 هەزار دینار بەرز بووەتەوە، ئەوەیش بە گوتەی ئەو کەسانەی بازرگانی بە کبریتەوە دەکەن.
بەپێی ئامارەکانی وەزارەتی کشتوکاڵ پێشبینی کراوە ئەمساڵ بەرهەمی تەماتەی کوردستان بگاتە زیاتر لە 500 هەزار تۆن کە لە پێویستی نێوخۆ زیاترە.
