رووداو دیجیتاڵ
بەگوێرەی سەرچاوەیەک بۆ رووداو، تاوەکو ئەمڕۆ هاوپەیمانان پارەی هاوکارییان بۆ وەزارەتی پێشمەرگە نەناردووە و ناردنەکەی دەکەوێتە هەفتەی داهاتوو.
سەرچاوەیەکی ئاگادار لە وەزارەتی پێشمەرگە، ئەمڕۆ 18ـی ئابی 2026 بە تۆڕی میدیایی رووداوی گوت: "تاوەکو ئێستا پارەی هاوپەیمانان نەخراوەتە سەر هەژماری وەزارەتی پێشمەرگە، بە ئەگەری زۆرەوە ناردنی پارەکە دەکەوێتە هەفتەی داهاتوو".
هاوکارییەکە وەک پشتیوانییەکە بۆ یەکخستنەوەی هێزەکانی پێشمەرگە کە هاوپەیمانان دابینی دەکەن. ئەگەر پارەکە بگات وەکو هاوکاری مانگی حەوتی هاوپەیمانان دابەش دەکرێت.
مانگی رابردوو 21ـی تەمموز وەزارەتی پێشمەرگە رایگەیاند، هاوکاری دارایی هاوپەیمانان بۆ مانگی 6ی ساڵی 2026 دابەشدەکرێت.
دابەشکردنی هاوکاری مانگی شەشی هاوپەیمانان بۆ پێشمەرگە، مانگی رابردوو 22ـی تەمموز دەستیپێکرد.
بەگوێرەی وەزارەتی پێشمەرگە بۆ رووداو، تاوەکو کۆتایی ئەم ساڵ ناردنی هاوکارییەکە لەلایەن هاوپەیمانانەوە بۆ پێشمەرگە بەردەوام دەبێت.
بەگوێرەی دوایین داتای وەزارەتی پێشمەرگە، بۆ هاوکاریی مانگی 11ی 2025، زیاتر لە 97%ی ئەفسەر و پلەدار و پێشمەرگە لە رێگەی پڕۆژەی 'هەژماری من'ەوە هاوکاریی هاوپەیمانانیان وەرگرتووە.
