رووداو دیجیتاڵ
نوێنەرێکی مامۆستایانی گرێبەست دەڵێ، بەگوێرەی ئەوەی لە وەزارەتی دارایی ئاگادارکراونەتەوە، بڕیارە لەم هەفتەیەدا مووچەیان بۆ خەرج بکرێ.
هیوا سەمەد، نوێنەری گرێبەستەکانی خوێندنی باڵا، ئەمڕۆ شەممە 22ـی حوزەیران بە تۆڕی میدیایی رووداوی گوت: "بەدواداچوونمان بۆ مووچەی مانگی حەوت کردووە. حکومەت دەڵێ رێکارەکان خێرا کراون، بڕێک پارە لە داهاتی نێوخۆ کۆکراوەتەوە و هەندێکێش ماوە".
ئەو نوێنەرەی گرێبەستەکان گوتی، بەگوێرەی ئەو بەڵێنانەی پێیان دراوە، کۆتایی ئەم هەفتەیە مووچەی مانگی حەوت وەردەگرن؛ ئاماژەی بەوەشکرد، "بەڵێن دراوە ئەم مانگە وەکو مانگی پێشوو مووچەکە دوانەکەوێ".
بەگوێرەی ئاماری وەزارەتی دارایی، لە هەرێمی کوردستان زیاتر لە 86 هەزار گرێبەست هەن و مووچەیان لە داهاتی نێوخۆ دابین دەکرێت و مانگانە پێویستیان بە زیاتر لە 42 ملیار و 620 ملیۆن دینارە.
17ـی ئاب، سەرچاوەیەک لە وەزارەتی دارایی و ئابووریی هەرێمی کوردستان بە رووداوی گوت، لە یەکشەممە 23ی ئاب یان رۆژانی دواتری هەمان هەفتە مووچەی گرێبەستەکانی هەرێمی کوردستان دابەش دەکرێ.
رۆژی 17ـی ئابی 2026 مووچەی مانگی تەممووز لەلایەن بەغداوە خەرجکرا و رۆژی 18ـی ئابی 2026 دابەشکردنی مووچە لە هەرێمی کوردستان دەستیپێکرد و 20 ئاب دابەشکردن کۆتاییهات.
