رووداو دیجیتاڵ
ئەمڕۆ چوارشەممە، نرخی ئۆنسەیەک زیو 52 سەنت بەرزبووەوە و بە 69.12 دۆلار مامەڵەی پێوەدەکرێت. هاوکلات کیلۆیەک زیویش بە زیاتر لە 2200 دۆلارە.
بەم پێیە، ئێستا زیو لە بەرزترین ئاستی نزیکەی دوو مانگی رابردوو مامەڵەی پێوە دەکرێت.
ئەمەش لە کاتێکدایە کە وەبەرهێنەران چاوەڕوانی نوێترین راپۆرتی پێنوێنی خەرجیی تاکن ئەمریکا لە ئەمریکا کە بڕیارە ئەمڕۆ کاژێر 15:30 بەکاتی هەولێر بڵاوبکرێتەوە.
هاوکات، چاوەکان لەسەر گوتاری کیڤن وۆرش، سەرۆکی بانکی فیدراڵیی ئەمریکان لە سیمپۆزیۆمی ساڵانەی جاکسن هۆڵ کە بڕیارە رۆژی هەینی بەڕێوەبچێت.
وەبەرهێنەرانیش بەردەوامن لە هەڵسەنگاندنی بڕیاری وەزارەتی گەنجینەی ئەمریکا بۆ دوو هێندەکردنی کڕینەوەی قەواڵە درێژخایەنەکان، ئەوەش نرخی دۆلاری بۆ نزمترین ئاستی زیاتر لە سێ مانگی رابردوو دابەزاندووە.
لەلایەکی دیکەوە، نرخی نەوت بۆ سێیەم رۆژ لەسەریەک دابەزی، ئەمەش نیگەرانییەکانی هەڵاوسانی کەمکردەوە و پشتیوانی بۆ زیو دروستکردووە.
