.webp&w=3840&q=75)
رووداو دیجیتاڵ
وەزارەتی دارایی و ئابووریی هەرێمی کوردستان بڕیاری دا لە رۆژانی یەکشەممە و دووشەممەدا مووچەی مامۆستایانی گرێبەست و ئەو فەرمانبەرانە دابەش بکات کە شایستە داراییەکانیان لەسەر داهاتی ناوخۆ دابین دەکرێت.
رۆژی شەممە، 29ی ئاب سەرچاوەیەک لە وەزارەتی دارایی وادەی دابەشکردنی مووچەی گرێبەستەکانی بە رووداو گوت و رایگەیاند، لە دوو رۆژدا دابەش دەکرێت.
پاش نزیکەی کاژێرێک وەزارەتی دارایی راگەیێندراوێکی فەرمیی بڵاوکردەوە و خشتەی دابەشکردنی مووچە بەم شێوەیە راگەیاند:
رۆژی یەکشەممە (30ی ئابی 2026): دەست دەکرێت بە دابەشکردنی مووچەی مانگی تەمووزی مامۆستایانی گرێبەست لە وەزارەتی پەروەردە و وەزارەتی خوێندنی باڵا و توێژینەوەی زانستی.
هەمان رۆژ: مووچەی مانگی تەممووزی سەرجەم ئەو فەرمانبەرانە دابەش دەکرێت کە لە دوای 1ی تەممووزی 2024 بە شێوەی گرێبەست و هەمیشەیی دامەزراون و مووچەکانیان لەسەر داهاتی ناوخۆی هەرێمی کوردستانە.
