رووداو دیجیتاڵ
نوێنەرایەتیی حکومەتی هەرێمی کوردستان لە بەریتانیا بە هاوئاهەنگی لەگەڵ ناوەندی دەستپێشخەری سیاسی کوردستان،
گفتوگۆیەکی کراوەی لەبارەی پەیوەندییەکانی هەرێمی کوردستان و عێراق سازکرد کە
تێیدا چەندین کەسایەتیی دیاری کورد ئامادە بوون.
گفتوگۆکە، ئەمڕۆ شەممە، 24.10.2026 لە هۆڵی نوێنەرایەتیی حکومەتی هەرێمی کوردستان لە بەریتانیا بەڕێوەچوو، تێیدا چەندین کەسایەتی سیاسی، پەرلەمانتار و وەزیری پێشووی حکومەتی هەرێمی کوردستان و کەسانی دیار ئامادەی بوون.
د. ئیبراهیم محەممەد عەزیز، بەڕێوەبەری ناوەندی دەستپێشخەریی سیاسیی کوردستان بە رووداوی گوت، گفتوگۆکەمان لەبارەی راپرسییەک بوو لەبارەی ئەوە بوو چۆن (گفتوگۆی نێوان هەولێر و بەغدا بکرێتە پرسێکی ستراتیژی) کە ناوەندی دەستپێشخەریی سیاسیی کوردستان بە بەشداریی 404 کەسی دەستەبژێر کردبووی.
لە گفتوگۆکەدا، کاروان جەمال تاهیر، نوێنەری حکومەتی هەرێمی کوردستان
لە بەریتانیا گوتی: "ئەمە دەستپێکی زنجیرە بابەتێکی سیاسییە کە نوێنەرایەتیی
حکومەتی هەرێمی کوردستان پێی هەڵدەستێ."
