رووداو دیجیتاڵ
وەزارەتی بەرگریی تورکیا، رۆژی دووشەممە رایگەیاند، سیستمەکانی بەرگریی ئاسمانیی هاوپەیمانیی ناتۆ توانیویانە مووشەکێکی بالیستی، کە لە خاکی ئێرانەوە ئاراستە کرابوو، لە ئاسمانی تورکیادا تێکبشکێنن و بیخەنە خوارەوە.
وەزارەتی بەرگریی تورکیا لە راگەیێندراوێکدا ئاماژەی بەوە کردووە، مووشەکێکی بالیستی کە "لە ئێرانەوە هاوێژرابوو و هاتبووە نێو ئاسمانی تورکیا، لەلایەن سیستمەکانی بەرگریی ئاسمانی و مووشەکی ناتۆ لە ناوچەی رۆژهەڵاتی دەریای نێوەڕاست پێکرا و تێکشکێندرا."
ئەمە دووەم رووداوی لەو شێوەیەیە لە 5 رۆژی رابردوودا کە تێیدا سیستمە بەرگرییەکان رووبەڕووی مووشەکی ئاراستەکراو لەلایەن ئێرانەوە دەبنەوە.
سەبارەت بە زیانەکان، وەزارەتی بەرگری تورکیا گوتی، پاشماوە و پارچە شکاوەکانی مووشەکەکە لە ناوچەیەکی چۆڵ و کراوەی سنووری پارێزگای دیلۆک لە باکووری کوردستان کەوتوونەتە خوارەوە؛ ئاماژەی بەوەشکرد، هیچ جۆرە زیانێکی گیانی و برینداربوونی لێ نەکەوتووەتەوە.
وەزارەتی بەرگریی تورکیا، رۆژی دووشەممە رایگەیاند، سیستمەکانی بەرگریی ئاسمانیی هاوپەیمانیی ناتۆ توانیویانە مووشەکێکی بالیستی، کە لە خاکی ئێرانەوە ئاراستە کرابوو، لە ئاسمانی تورکیادا تێکبشکێنن و بیخەنە خوارەوە.
وەزارەتی بەرگریی تورکیا لە راگەیێندراوێکدا ئاماژەی بەوە کردووە، مووشەکێکی بالیستی کە "لە ئێرانەوە هاوێژرابوو و هاتبووە نێو ئاسمانی تورکیا، لەلایەن سیستمەکانی بەرگریی ئاسمانی و مووشەکی ناتۆ لە ناوچەی رۆژهەڵاتی دەریای نێوەڕاست پێکرا و تێکشکێندرا."
ئەمە دووەم رووداوی لەو شێوەیەیە لە 5 رۆژی رابردوودا کە تێیدا سیستمە بەرگرییەکان رووبەڕووی مووشەکی ئاراستەکراو لەلایەن ئێرانەوە دەبنەوە.
سەبارەت بە زیانەکان، وەزارەتی بەرگری تورکیا گوتی، پاشماوە و پارچە شکاوەکانی مووشەکەکە لە ناوچەیەکی چۆڵ و کراوەی سنووری پارێزگای دیلۆک لە باکووری کوردستان کەوتوونەتە خوارەوە؛ ئاماژەی بەوەشکرد، هیچ جۆرە زیانێکی گیانی و برینداربوونی لێ نەکەوتووەتەوە.
وەزارەتی بەرگریی تورکیا رۆژی 04-03-2026 رایگەیاند، "مووشەکێکی بالیستی کە لە ئێرانەوە ئاراستەکرابوو، دوای تێپەڕینی بە ئاسمانی عێراق و سووریادا، گەیشتە ئاسمانی تورکیا. مووشەکەکە لە لایەن یەکەکانی بەرگریی ئاسمانی و مووشەکیی ناتۆوە کە لە رۆژهەڵاتی دەریای سپی جێگیر کراون، لە کاتی خۆیدا بەرپەرچ درایەوە و خرایە خوارەوە."
لەبارەی هێرشی مووشەکیی یەکەمی سەر تورکیا، رۆژی پێنجشەممە 05-03-2026 دەستەی گشتیی هێزە چەکدارەکانی ئێران لە راگەیێندراوێکدا ئەوەی رەتکردەوە و رایگەیاند، "هێزە چەکدارەکانی کۆماری ئیسلامیی ئێران رێز لە سەروەریی وڵاتی دراوسێ و دۆست، تورکیا دەگرن و رەتی دەکەینەوە هیچ جۆرە مووشەکێکمان ئاراستەی خاکی ئەو وڵاتە کردبێت."
.jpg&w=3840&q=75)
