رووداو دیجیتاڵ
بەگوێرەی بەڕێوەبەرایەتیی نەوت و کانزاکانی هەولێر، ئەمڕۆ لە 27 بەنزینخانەی هەولێر و دەوروبەری و قەزای کۆیە، بەنزینی 750 دیناری دابەش دەکرێ.
بۆ دابەزینی نرخی بەنزین لە هەرێمی کوردستان، 20ـی ئەم مانگە وەزارەتی سامانە سرووشتییەکانی هەرێمی کوردستان رایگەیاند، نابێت نرخی بەنزینی نۆرماڵی بازرگانی لیتری بە 850 دینار زیاتر بفرۆشرێ. رۆژێک دواتریش نرخی بەنزینی موحەسەنی بە هەزار دینار و سوپەری بە 1200 دینار دیاریکرد، جگە لە بەنزینی 750 دیناری کە بەنرخی پاڵپشتیکراوی حکومەت دەفرۆشرێ.
بەگوێرەی نەوت و کانزاکانی هەولێر، ئەمڕۆ یەکشەممە 26ـی تەمموز، لە 27 بەنزینخانەی هەولێر، دەوروبەری و قەزای کۆیە دابەش دەکرێ و ئەمانەن:
- بەنزینخانەی مۆد لە جووتسایدی منارە
- بەنزینخانەی هەرکی لە گەڕەکی نەورۆز 40
- بەنزینخانەی رێژوان لە بنەسڵاوە
- بەنزینخانەی دۆستان لە نووسەران - رێگەی بەحرکە
- بەنزینخانەی مۆدێری ئینێرگی لە 150مەتری، قەرەبووی کەسنەزان
- بەنزینخانەی شەم لە لاوان
- بەنزینخانەی سێتاقان لە 60 مەتری
- بەنزینخانەی کاریا لە 32ی پارک
- بەنزینخانەی وزە لە رێگەی بنەسڵاوە
- بەنزینخانەی قەڵا دوو لە گەڕەکی پێنجی حەسارۆکان
- بەنزینخانەی هاوینەهەوار لە رێگەی پیرمام - نزیك شاوێس
- بەنزینخانەی گەردی لە رێگەی کۆنی بەحرکە
- بەنزینخانەی بەحرکە لە بەحرکە
- بەنزینخانەی شادی لە دووسایدی تایە فرۆشان
- بەنزینخانەی گەل لە پیشەسازی باشوور
- بەنزینخانەی سیار لە رێگەی بەحرکە
- بەنزینخانەی جەنگی لە ڕێگای کەرکووك
- بەنزینخانەی سەن ئۆیل لە کەسنەزان - کوڕنیش
- بەنزینخانەی سەن ئۆیل لە هەولێری نوێ
- بەنزینخانەی سەن ئۆیل لە رێگەی مەخموور
- بەنزینخانەی ساکار لە کۆیە
- بەنزینخانەی مستەوفی لە گەڕەکی پێنجی حەسارۆك
- بەنزینخانەی دیڤال لە کەسنەزان - نزیك هەزە
- بەنزینخانەی زیاد لە دارەتوو - بنەسڵاوە
- بەنزینخانەی شاهان لە 40 مەتری، گەڕەکی نەورۆز
- بەنزینخانەی کروود لە رێگەی خەبات
- بەنزینخانەی بزنس لە 120 مەتری
دوێنێ لە 23 بەنزینخانەی هەولێر و دەوروبەری بەنزینی 750 دیناری دابەش کرا.
وەزارەتی سامانە سرووشتییەکانی هەرێمی کوردستان، دوای دیاریکردنی نرخی بەنزینی بازرگانی نۆرماڵ، موحەسەن و سووپەر، تاوەکو ئەمڕۆ شێوازی دابینکردنی بەنزینی بازرگانی بۆ بەنزینخانەکانی هەرێمی کوردستان روون نەکردووەتەوە.
لە سلێمانی و هەڵەبجە نرخی بەنزین هاوشێوەی پێش بڕیارەکەی وەزارەتی سامانە سرووشتییەکانە و بە نرخی بەرزتر لە نرخی دیاریکراو لە هەموو بەنزینخانەکان بەنزین بەردەستە. لە دهۆک هاوشێوەی هەولێر بەنزین کەمبووەتەوە.
