رووداو دیجیتاڵ
بڕیارە سبەی بەنزینی بازرگانی 750 دیناری بگاتە سێ شاری ئیدارەی سەربەخۆی راپەڕین. بەڕێوەبەری نەوت و کانزاکانی ئیدارەکە دەڵێ، لە یەکشەممەوە رۆژانە 3 تانکەریان بۆ دەنێرن.
دڵشاد ساڵح، بەڕێوەبەری نەوت و کانزاکانی ئیدارەی سەربەخۆی راپەڕین، ئەمڕۆ شەممە 15ـی ئابی 2026، بەتۆڕی میدیایی رووداوی راگەیاند: "ئەمڕۆ پارەی کۆمپانیا بازرگانییەکان دراوە و بڕیارە سبەی بەنزین بگاتە قەڵادزێ، رانیە و حاجیاوا."
بەگوتەی دڵشاد ساڵح، رۆژانە 3 تانکەر دەگاتە راپەڕین، کە دابەشی دەکەن بەسەر سێ بەنزینخانەی باشوور لە قەڵادزێ، ئۆیڵ 2 لە رانیە و میرەبەگ لە حاجیاوا.
بەڕێوەبەری نەوت و کانزاکانی ئیدارەی سەربەخۆی راپەڕین ئاماژەی بەوەشکرد، هەر تانکەرێک 36 هەزار لیترە و خواستی هاونیشتمانییانی سنوورەکە لەسەر بەنزین کەم دەکاتەوە.
